ဧကရာဇ်ခုန်ဟဝ်စိုး

ဧကရာဇ်ခုန်ဟဝ်သီးသုင်ꩻ ထီꩻဗွာ

ထီꩻဗွာဝင်ꩻကခြွိုင်း တဲးတဲးဝါးဝါးတောမ်ႏ ရတနာႏဖိုင်ႏစားနဝ်ꩻ ရာမခုန်တောမ်ႏ သီတာဒေဝီသီး တောႏလမ်းဝင်ꩻ အဇ္ဇုတရသေ့ꩻ ခုမ်မာꩻစီႏရင်ႏဖေႏတောမ်ႏ စိင်ႏလိုင်းပတ္တမျာꩻဖိုင်ႏတဲင် သရုက်ဖောႏဖေႏ ခုန်ကျင်ꩻတရာꩻအနေႏဒျာႏသွူ။ ထီꩻဗွာယိုနဝ်ꩻ ခံးမီႏလော့ ယာမီႏခိုးတဲင် ကင်းအီတာႏ မွေးတဝ်း၊ ဖေႏအီခုန်သီးအဘိသေက်တောမ်ႏ မီႏအိုပ်ခမ်းထီ စီႏရင်ႏတရာꩻ ယမ်ကစီႏရင်ႏတောမ်ႏ တရာꩻတောႏဖိုင်ႏ ဓမ္မသတ်ဖိုင်ႏတဲင် အွောန်ႏကင်းဖေႏတာႏဒျာႏသွူ။

တရျာꩻတခမ်း ထီဗွာနမ်း

ကရိုꩻထွိုက်ဒါႏ အိန္ဒိယကားစား အာသျတွိုက်သီး အသုင်ꩻပျုထုင်ꩻတန်သွူ။

ကနက္ကဒဏ်ထီꩻဗွာရမ်ႏတဲင်

ခုန်မန်းသီး ရာဇပလ္လင်ႏနီဖဲ့ꩻ ခုန်ထာꩻသုင်ꩻ ထီꩻဗွာအဝ်ႏကင်းရမ်ႏလွောန်ꩻ ထီꩻသွောတ်ꩻဗာႏ၊ ပလ္လင်ႏဖဲ့ꩻစေႏ (၁) ကနက္ကဒဏ် (၂) သူရိယ (၃) ပဒုမ (၄) သမုတိလိတ်ꩻဗာႏ၊ ပလ္လင်ႏဖဲ့ꩻထွေ (၁) စန္ဒ (၂) ကုမုဒ (၃) တမ္ဗု (၄) ဝိသူကျင်ႏလိတ်ꩻဗာႏ။ ထီꩻနဝ်ꩻ ဗိုန်စွောန်ႏ မို့ꩻလောင်း မဲ့ဝွိုင်ꩻတန်၊ အဗွေႏနီပါꩻနဝ်ꩻ ဗိုန်စွောန်ႏ မွူးတောမ်ႏလာ၊ ဂြဟဖိုင်ႏ နက္ခတ်တာရာဖိုင်ႏနဝ်ꩻ ဗိုန်စွောန်ႏ မူꩻမတ်ခွိုင်းကားအလိုꩻဖိုင်ႏသွူ။ နဝ်ꩻမꩻ ထီꩻဗွာသူꩻ ခြွိုင်းလုက်က်လိက်က်ဖေႏဗာႏ တောမ်ႏသဲင်စိင်ႏ၊ လိုင်းဟဝ်နဝ်ꩻ ဆာႏဖိုင်ႏ၊ မွူးနဝ်ꩻ မာꩻတောမ်ႏခမ်ꩻ၊ လာနဝ်ꩻ မာꩻတောမ်ႏရွောန်အိုပ်ချိုက်ငီꩻတောမ်ႏတရာꩻဖိုင်ႏအကျောင်ꩻ အပုင်ႏဆောင်ႏစားနဝ်ꩻ။

ခုန်ကျင်ꩻတရာꩻ-၇ပါꩻ(အပရိဟာနိယ တရာꩻနွုတ်ꩻပါꩻ)

(၁) သိန္နိပါတ-ဟဲ့ꩻလွောန်စီꩻဝွေꩻတွိုင်ႏပင်ႏဗာႏဝင်ꩻ တနီꩻသိုမ်လဲင်ႏ (၂) သမဂ္ဂ့-အမုꩻမုဲင်ꩻလဲ့ဟဝ် မာꩻဖြောမ်းငီꩻငီꩻဗာႏဝင်ꩻ (၃) ပညတ္တိ ပဋိပဇ္ဇန-ကျင်ꩻလွောန်ꩻဗာႏ ခုန်ဟဝ်စခါသီး ထာꩻပညတ် (၄) သုဝစ-လွောက်ꩻနာႏဗာႏ သက်တန်ဝါႏတ် မွိုးဖါလိုꩻဒါႏသီးငဝ်း (၅) အပဿသု-သိမ်ꩻနွိုင်ႏမာꩻနွိုင်ႏဗာႏတဝ်း ဝင်ꩻပိုမာ (၆) ဗလိ-ပူႏဇောႏ ပသဗာႏ လူꩻပွေါးဝေင်ꩻ ပွေါင်းဒိုင် (၇) ဂုတ္တိ-ဒို့ꩻပေ့ꩻဗိန်ႏန်ႏဗာႏ နဲင်ႏငန်ႏခမ်းထီ၊ မာꩻတိုꩻပွါꩻဗာႏ လိုꩻဟဝ်လောက။

ခုန်ကျင်ꩻတရာꩻဆီပါꩻ

(၁) ဒါန-ဖေႏလူႏ (၂) သီလ-အကမ်ကျင်ꩻ (၃) အကောဓ-သꩻငိမ် (၄) (၅) (၆) (၇) အဝိဟိံသ-သညင်ꩻကရုဏာႏ (၈) ခန္တီ-ယွုန်းခွင်ꩻ (၉) သမောဓာန-ခွꩻငီꩻလျားပီ (၁၀) အဝိရောဓိ-လွိုဆန်ဗာႏတဝ်း ခမ်းထီသားဆန္ဒ။

ခုန်သီးသင်္ဂဟလိတ်ꩻပါꩻ

(၁) သဿမေဓ-ဝင်ꩻထာꩻမာꩻထာꩻခုမ်အခွေါန်ႏသူꩻ ထူႏဆီပုန်းတပုန်း (၂) ပုရိသမေဓ-ဖေႏအမုꩻထမ်ꩻသားလာတာႏအာႏခꩻ (၃) ဝါစာပေယျ-ဒေါ့ꩻရိုꩻဗွီႏသာႏ အွီႏနွိုးဗာႏ (၄) သမ္မာပါယ-ဖေႏဗာႏ ခမ်းသားအနီꩻအရင်ꩻ၊ သိုမ်နေင်ႏအတွင်ꩻ ထူႏဗာႏတဝ်း အအေႏ။

သတ္တိသိုမ်ပါꩻ

(၁) ပဘာဝ(ပဘု)သတ္တိ-ဖေႏတမ်ႏထွိုက်တန်ႏရာꩻ တောမ်ႏအပဲတ် (၂) ဥဿဟသတ္တိ-ဖေႏခမ်းထီ ကလွိုင်ႏကွုန်ꩻ ထေဗာႏအာႏ (၃) မန္တသတ္တိ-တွိုင်ႏပင်ႏဗာႏတောမ်ႏပညာႏသားတဲင် မာꩻ။

ဗလသူပါꩻ

(၁) အာဏာဗလ-စဲ့ꩻမအာႏရဲင်ꩻ (၂) ဘောဂဗလ-ဥစ္စာႏအာႏရဲင်ꩻ (၃) ဣဿရိယဗလ-အိုပ်ချိုက်ပွိုင်ႏဆဲင်ႏ (၄) အမစ္စဗလ-အမတ်လိုꩻဒါႏ (၅) ကာယဗလ-နမ်းအာႏရဲင်ꩻ (၆) ဉာဏဗလ-ဉာဏ်ႏအာႏရဲင်ꩻ။

တာႏဝွန်ႏသူပါꩻ

(၁) လိုပ်ꩻမာꩻ (၂) ကူꩻကား (၃) ပျင်ဒိုင်ဝေင်ꩻ (၄) လွူးထာꩻသား(ဖိုးပနားသေဆင်) (၅) ထိုမ်ႏရွောန်ခမ်ꩻ သတ္တုအောင် (၆) ပျင်ထာꩻလီꩻထာꩻယ။

ခမ်းထီနဝရတ်-၉ပါꩻ

(၁) ခမ်းထီကတောင်-အမတ်ခုမ်စမ်ႏခမ်းထီတာႏဝုန်ႏသား (၂) ခမ်းထီအလမ်ႏ-ရဟန်ꩻသင်္ဃာႏ (၃) ခမ်းထီမဲ့-ပေႏတင်ႏ တသီႏဆရာႏ (၄) ခမ်းထီနား-လိုꩻရေ့လိုꩻစီꩻ (၅) ခမ်းထီအစွဲႏ-လိုꩻစိုန်ꩻဟဝ် (၆) ခမ်းထီမဲ့ငါ-မူႏနမ်ꩻခိုဗင်ႏတရေꩻ (၇) ခမ်းထီဟို့ꩻ-လိုꩻခြွေလိုꩻခြာႏ (၈) ခမ်းထီခင်ႏ-စဲ့ꩻမလိုꩻထမ်ꩻ (၉) ခမ်းထီစူမွူး-လက်နက်စူခုမ်။ ယိုဖိုင်ႏနဝ်ꩻ ကိန်ႏဗျာႏယားကုဲင်ဗာႏတဝ်း၊ (တရုတ်ပြေးမင်း-နရသီဟပတိခုန်)စခါ ပွိုးယားကုဲင် ခမ်းထီနဝရတ်ကုတ်ꩻပါꩻမꩻ ခမ်းကုဲင်ဗာႏ၊ အမာနနင်ꩻ စောကလျာ ထင်ႏဖေႏသတိꩻမꩻ အီႏသီထွူမꩻ ကွဲးသေ။

နာယကဂုဏ်ႏသူပါꩻ

(၁) ခမာ-ယွုန်း (၂) ဇာဂရိယ-သေတန် (၃) ဥဋ္ဌာန-အွောန်ႏရေꩻ (၄) သံဝိဘာဂ-တရျား (၅) ဒယာ-သငျင်ꩻ (၆) ဣက္ခဏ-ထွားခူဗာႏ။

အမတ်တာႏဝုန်ႏ

(၁) သုတဝါ (၂) သီလဝါ (၃) သူရော (၄) ဝီရိဝါ (၅) အသိန္ဓိကော (၆) ဗလဝါ (၇) အလုဒ္ဓေါ (၈) ပိယရူပံ။

ငဝ်းတမန်ႏတာႏဝုန်ႏ

ပညာဝန္တ၊ ဝါကျာဝန္တ၊ သူရံ၊ သန္တ၊ တဗွီႏနမ်းသꩻ ငဝ်းတွိုင်ꩻဒေါ့ꩻချာလꩻ။

တရာꩻဖြားဒိုင်တာႏဝုန်ႏ

သီလဝါ၊ နစအဂတိ၊ ပညဝါ၊ ဓမ္မသတ်လျင်ႏ၊ ဥဇု၊ လောင်းဝွေါ့ဒါႏဝင်ꩻငဝ်း၊ အပဲင်အမင်ꩻလွောတ်၊ သေဒါႏဝင်ꩻထာꩻကျွိုက်၊ ဒေါ့ꩻလေပ်ဒါႏထာꩻ၊ မုဒု၊ ငဝ်းထီအွီႏ၊ ရုဲင်းဟန်၊ သမာဓိအဝ်ႏဗာႏ၊ တောင်ꩻစဲင်း အထုင်ꩻစခါ၊ တောင်ꩻဒါႏဝင်ꩻငဝ်း။