C (ပရိုဂရမ်မိဉ်းဘာႏသာႏငဝ်းငွါ)

အမိဉ်ꩻရော့ꩻသင်ꩻဒါႏ တောမ်ႏပအိုဝ်ႏဘာႏသာႏ တအဝ်ႏတဝ်းဒွိုန်းတဲင် ရောမ်ဖြုဲင်ꩻယိုကတူႏစဲဉ်ႏနဝ်ꩻ တဲမ်းသုင်ꩻအီဗာႏတောမ်ႏ ဘာႏသာႏလင် / လိတ် အလင်ဒျာႏသွူ။

C ယို ယူႏလွဝင်ꩻ မဲက်ဆဉ်ကိုဒ် (machine code) တွမ်ႏ အဲတ်သဲမ်ဘလီ ဘာႏသာႏငေါဝ်း (assembly language) မဉ်းထွူနောဝ်ꩻ ထွာ အဖွိုႏသွတ်ꩻ ဘာႏသာႏတဲမ်းအီ ပရိုဂရမ်သွူ။ ကမဉ်ဒေါ့ꩻနောဝ်ꩻ C ယို ထိုꩻလဲန်းလွေꩻ ထာꩻမာꩻ မာꩻဗာႏစွို့ꩻစွို့စွောန်ႏစွောန်ႏ၊ ဘာႏသာႏကို ကမာအီဒါႏ လော့စေက်နောဝ်ꩻ အဗွိုန်ပီ ကုမ်ပျူတာ ကမာꩻထာꩻသွူ။ ထာꩻယိုနောဝ်ꩻ ဗွိုန်ပီတောဝ်းတွမ်ႏ အရန်းထို ဘာႏသာႏ(high level language) ဖုံႏ အွိုးခုမ်စမ်ႏလိတ်ရဲန်ႏ ကရလိုႏထွာ လွိုက်ခရာႏ တဗာႏကို၊ C ကို ကအီးခုမ်စမ်ႏရော့ꩻရော့ꩻ ဒေတာတာႏ နာꩻလွိုက်မာꩻဗာႏစွို့ꩻစွိုꩻ ထာꩻမာꩻ အွိုးကုမ်ပျူတာ ထာꩻတောင်ꩻခါꩻ မီမိုရီခင်ႏလမ်းအုံ (memory address) တရွဲꩻကိုသွူ။ လိုꩻတဖြာꩻတာႏ ထာꩻယို ကုဲင်းမာꩻဖေႏသေဒါးထာꩻဖုံႏ ဆေ့ꩻဆေ့ꩻအာအာ။ ကောပ် ဒေတာအစားစားတဲင် ယလဲင်ႏလဲင်ႏ နာꩻကုဲင်းလꩻလော်လယ်ဒါႏ ထာꩻထွာ (results) ဖုံႏ၊ ယလဲင်ႏလဲင်ႏနောဝ်ꩻ အစေမာꩻ ယိုꩻယိုꩻဖေႏဒါႏလိုꩻသွူ။ မဉ်ႏဒေါ့ꩻယိုꩻယိုꩻနောဝ်ꩻ ကအီးမာꩻမဲန်ႏမဲန်ႏထာꩻ ပဉ်ဗာႏဗာႏတာႏ နာꩻမဲ့ ကွင်စွော့ꩻဒါႏတွော့ꩻ C ယို အပေါင်းခုဲင်ႏဆေ့ꩻဆေ့ꩻ၊ နောဝ်ꩻမꩻ နာꩻလိုႏမာꩻတောဝ်း အန္တရယ်ႏ ကရအောဝ်ႏဒါႏ လိတ်ဖြုံႏ (syntax) အမာႏဖုံႏသွူ။ ကွဲးတွော့ꩻ သေခါꩻ၊ ထွားဒါႏခါꩻ C ယို အကျိုꩻအောဝ်ႏဗွေတန်ဒျာႏ၊ မာꩻအီတဲ့ လꩻ၊ လုဲင်ႏချာငါအီတဲ့ ယိုꩻ၊ မွိုင်တဲ့ မွိုင်မွေးတန်သွူ။