အမိဉ်ꩻရော့ꩻသင်ꩻဒါႏ တောမ်ႏပအိုဝ်ႏဘာႏသာႏ တအဝ်ႏတဝ်းဒွိုန်းတဲင် ရောမ်ဖြုဲင်ꩻယိုကတူႏစဲဉ်ႏနဝ်ꩻ တဲမ်းသုင်ꩻအီဗာႏတောမ်ႏ ဘာႏသာႏလင် / လိတ် အလင်ဒျာႏသွူ။

Coordinated Universal Time နဝ်ꩻ ထွာဒျာႏ အွဉ်ႏနယ်ဖေႏ တကမ္ဘာႏလွုမ်း အခိန်ႏနားရီႏဖုံႏတာႏ အဓိကစံနုံးဒျာႏသွူ။ အဒွေါင်ႏအနေႏ အဝ်ႏသုင်ꩻလွေꩻ UTC နဝ်ꩻသွူ။ ဝွေꩻနဝ်ꩻ ပေါင်းဗွိုန် ဂရင်းနစ်အခိန်ႏအွိုင်ꩻ(ဂရင်းနစ်စံတော်ချိန်) သွူ။ ကမ္ဘာႏအခဝ်တွို့ꩻသွတ်ꩻသွတ်ꩻ ဒေႏသနဝ်ꩻ ထူႏသုင်ꩻအီ UTC -12 တဲင် အခဝ်ကွဉ်ႏသွတ်ꩻသွတ်ꩻဒေႏသနဝ်ꩻ ထူႏသုင်ꩻ UTC +12 သွူ။ မျန်မာခမ်းထီအတာႏနဝ်ꩻ ထွာ UTC +06:30 နဝ်ꩻသွူ။

အခိန်ႏအွိုင်ꩻယိုခါကျာꩻ ကမ္ဘာႏဟံႏပုင်ႏ

UTC နဝ်ꩻ အဝ်ႏအိဉ်တာနဲတ် အဓိကထူႏသုင်ꩻခါꩻဒျာႏ ကွန်ပျူတာဖုံႏ တောမ်ႏ သာဗာဖုံႏ နဝ်ꩻသွူ။ ထူႏသုင်ꩻအီသွူ UTC တဲင် အိဉ်တာနဲတ်လောင်း ကွန်ပျူတာအချင်ꩻချင်ꩻ ဖေႏကလꩻအခိန်ႏတတွောင်းချင်ႏတာႏ ဒျာႏသွူ။ ထွူတကာႏတဝ်း ဝါးသင်ဖော်ꩻကျောင်ႏ၊ ကာꩻလွေꩻချာငါစနိစ်ဖုံႏတာႏလဲ့ အဝ်ႏထူႏသုင်ꩻအီ UTC နဝ်ꩻသွူ။ ပွိုးတမုဲင်ꩻနဲးတဲင် UTC နဝ်ꩻ အပေါင်းမဲဉ်ႏစဲင်းသေႏချာႏ(တိကျ)ထဲင်း ဂရင်းနစ်အခိန်ႏအွိုင်ꩻ(Greenwich Mean Time) ဒျာႏနဝ်ꩻသွူ။

ထေအွဉ်ႏစွꩻ ကမ္ဘာႏတဖြုံႏလွုမ်ႏကို ကအဝ်ႏဒါႏ အခိန်ႏတောမ်ႏ ကြိမ်နူန်း(frequency) ဆဲင်ႏရာꩻ ခြိꩻထူႏခွုမ်မာꩻရေꩻနဝ်ꩻ စလွေꩻဒျာႏ ၁၉၆၀ ဗာႏ ဇန်နဝါရီ ၁ နီꩻသွူ။ UTC ယို အရီးသွတ်ꩻတရာႏဝင်ꩻ ကျင်ꩻသုင်ꩻဒျာႏ နုဲင်း CCIR ဖေႏကျံႏဉာဏ်ႏချက် ၃၇၄၊ Standard-Frequency and Time-Signal Emissions၊ ၁၉၆၃ ဗာႏသွူ။ ကွဲႏတွော့ꩻ တရာꩻဝင်ႏ UTC အမိဉ်ꩻဒွေါင်ႏ "UTC" တောမ်ႏ အဲင်းကလေက်မိဉ်ꩻ "Coordinated Universal Time" မိဉ်ꩻဖုံႏနဝ်ꩻ ဗꩻတွိုႏ ၁၉၆၇ ဗာႏ စူꩻလက်ခံႏကျင်ꩻသုင်ꩻအီဗာႏတဝ်းနဝ်ꩻသွူ။[၁]

အာႏကွိုꩻမွဉ်းဖျင်