တရာꩻငတ်ꩻဗာႏ လꩻခုဲႏငါႏ
(ပါဠိ) ဘိက္ခဝေ အပ္ပမာဒေန သမ္ပာဒေထ။ ဒုလ္လဘော ဗုဒ္ဓုပ္ပါဒေါ လောကသ္မိံ၊ ဒုလ္လဘော မနုဿတ္တပဋိလာဘော၊ ဒုလ္လဘာ သဒ္ဓါသမ္ပတ္တိ၊ ဒုလ္လဘာ ပဗ္ဗဇ္ဇာ၊ ဒုလ္လဘံ သဒ္ဓမ္မဿဝနံ။
(ပအိုဝ်ႏ) ရဟန်ꩻသီးဖုံႏဟွေး... နေးတောမ်ႏသတိတရာꩻ တအွောန်ႏဖေင်ꩻတဝ်းတဲင် ဒါႏန သီႏလ ဘာႏဝနာႏ ကုသိုလ်ႏသိုမ်ပါꩻယံကဗွေ သောင်ႏသာကျိုꩻစာꩻလွသွော့နေား။ ၁။ လောကကိုယို ဖရာꩻကအီႏပွင်ꩻလွဉ်ဗာႏနဝ်ꩻ ယိုꩻတဝ်း ယပ်ꩻတန်သွူ။ ၂။ အီႏသဲင်ꩻထွာဗာႏ လိုꩻနဝ်ꩻ ယိုꩻတဝ်း ယပ်ꩻတန်သွူ။ ၃။ သဒ္ဓါႏတရာꩻ ကအီႏဗွေစူမ်ႏဗာႏထာꩻနဝ်ꩻ ယိုꩻတဝ်း ယပ်ꩻတန်သွူ။ ၄။ ကအီႏဗုဲဗာႏ သျင်ႏစင်ꩻနဝ်ꩻ ယိုꩻတဝ်း ယပ်ꩻတန်သွူ။ ၅။ ကအီႏနေးနာႏထူႏဗာႏ (သူႏတောႏကောင်ꩻ)တရာꩻယာႏနဝ်ꩻ ယိုꩻတဝ်း ယပ်ꩻတန်သွူ။
(ငဝ်းလင်္ကာႏပအိုဝ်ႏ) > သတိတရာꩻ၊ အွဉ်ႏစူမ်ႏဖြာꩻ၊ လာꩻလာꩻတဖေင်ꩻမွုန်းနေား။ ကုသိုလ်ႏတရာꩻ၊ စူမ်ႏဖြာꩻဖြာꩻ၊ ကျိုꩻစာꩻသွော့ဝင်ꩻနေား။
၁။ အီႏသဲင်ꩻခွဲးဗာႏ၊ သာႏသနာႏ၊ ခုဲႏငါႏ ယိုꩻတဝ်းနေား။ သဲင်ꩻမော့ꩻခွဲးဗာႏ၊ သာႏသနာႏ၊ ဟဝ်ငါႏ နီကမ်ႏနေား။ ၂။ အီႏသဲင်ꩻထွာဗာႏ၊ မနုဿာႏ၊ ယပ်ꩻငါႏ ယိုꩻတဝ်းနေား။ သဲင်ꩻကုတ်ထွာဗာႏ၊ မနုဿာႏ၊ ဟဝ်ငါႏ နီကမ်ႏနေား။ ၃။ ယူမ်းအံႏသဒ္ဓါႏ၊ အီႏအဝ်ႏဗာႏ၊ ခုဲႏငါႏ ယိုꩻတဝ်းနေား။ ယူမ်းအံႏသဒ္ဓါႏ၊ ဗွေစူမ်ႏဗာႏ၊ ဟဝ်ငါႏ နီကမ်ႏနေား။ ၄။ အီႏဗုဲထွာဗာႏ၊ သျင်ႏစင်ꩻတာႏ၊ ယပ်ꩻငါႏ ယိုꩻတဝ်းနေား။ သျင်ႏစင်ꩻဗုဲဗာႏ၊ နဝ်ꩻအတာႏ၊ ဟဝ်ငါႏ နီကမ်ႏနေား။ ၅။ အီႏနာႏထူႏဗာႏ၊ တရာꩻယာႏ၊ ယပ်ꩻငါႏ ယိုꩻတဝ်းနေား။ နေးနာႏထူႏဗာႏ၊ တရာꩻယာႏ၊ ဟဝ်ငါႏ နီကမ်ႏနေား။
ခူန်တန်စက္ကျာႏ၊ မွိုးမာႏတာႏ၊ ထွာဗာႏ ယိုꩻဒျာႏနေား။ ရဟန်ꩻတကာႏ၊ မွိုးမာႏတာႏ၊ ထွာဗာႏ ယိုꩻတဝ်းနေား။ ရဟန်ꩻတကာႏ၊ သဲင်ꩻထွာဗာႏ၊ ဟဝ်ငါႏ နီကမ်ႏနေား။ ဖရာꩻမာႏတာႏ၊ အီႏထွာဗာႏ၊ ခုဲႏငါႏ ယိုꩻတဝ်းနေား။ ဖရာꩻတကာႏ၊ သဲင်ꩻထွာဗာႏ၊ ဟဝ်ငါႏ နီကမ်ႏနေား။ သာႏသနာႏတကာႏ၊ အီႏထွာဗာႏ၊ ယပ်ꩻငါႏ ယိုꩻတဝ်းနေား။ သာႏသနာႏတကာႏ၊ သဲင်ꩻထွာဗာႏ၊ ဟဝ်ငါႏ နီကမ်ႏနေား။ ဗုဒ္ဓဘာႏသာႏ၊ သဲင်ꩻထွာဗာႏ၊ ဟဝ်ငါႏ နီကမ်ႏနေား။