ဒုတိယ အဲလီသဘဲတ်

ဒုတိယ အဲလီသဘဲတ်ယို ထွာ ယူနုဲက်တဲတ် ကဉ်းဒမ်း ခမ်းဗွေႏ ဟော်ခမ်ꩻမူႏတဖြာꩻ၊ ဆဌမ ဇျော့ခွန် ကထှိုင်ႏသီကုဲင်ခါ ဝွေꩻမူႏ လꩻလွေꩻ ဟော်ခမ်ꩻသှူ။ ဝွေꩻမူႏယို ထွာ ဆဌမ ဇျော့ခွန် တွမ်ႏ အမာနင်ꩻမူႏ အဲလီသဘဲတ်သီး ပိုမူႏအတန်သွတ်ꩻ၊ လှူး ဝေင်ꩻလန်ဒန်ကို ခရစ်နေင်ႏ ၁၉၂၆ ဗာႏ ဧပရယ်လာ ၂၁ နီꩻကိုခါ။ အဌမ အဲတ်ဒဝါတ်ဒ်ခွန် အှောန်ႏကုဲင်ထိုꩻ ခွန်ထာꩻမာꩻထှူခါ ကထွာဒါႏ အဖာဗွေႏ ယော့ဝေင်ꩻ ရဲပ်အှောန်သား ကထှိုင်ႏထူႏမာꩻ ဆဌမ ဇျော့ခွန် ၁၉၃၆ ဗာႏ နေင်ႏကိုနောဝ်ꩻလဲင်ႏ အပိုမူႏတန် အဲလီသဘဲတ်ယို ထွာလွေꩻ ဝင်ꩻအှောန်ႏထော့ခါꩻဖေႏ ဟော်ခမ်ꩻမူႏလောင်ꩻသှူ။ နောဝ်ꩻခါနောဝ်ꩻ နင်ꩻမူႏ အဲလီသဘဲတ်ယို အသက်စငါလꩻ နေင်ႏတဆီ။ ခွန်ပိုမူႏ အဲလီသဘဲတ်အတာႏ သှောန်ထူႏခရာႏ ပညာႏ နဲင်း လိုꩻအာကလှူꩻထွားလုမ်ꩻမကာႏ ဖြေꩻစာထာꩻ၊ ဥပဒေႏ ရဲပ်အှောန်ခမ်းထီ ထာꩻထွာခြောင်ꩻ(သမဲင်ꩻ)၊ ခမ်းထီဖဲ့ꩻခရာႏပညာႏဖုံႏယို အမှိုးမူႏ ရဲန်ꩻဖေ၊ႏ ထှောန်ႏ ဆꩻရာႏဖုံႏ ကအောဝ်ႏဟော်ခြာ သှောန်ဖေႏသှူ။ နင်ꩻမူႏနောဝ်ꩻ ထုမ်းသေဒါႏ၊ ယားထီယမ်၊ စန္ဒယား (Piano) တဲ့ နျꩻဒုင်ႏမော၊ ကဟောꩻနယ်ဇာတ် (မန်း- ပြဇာတ်) တဲ့ ကုဲင်းသေထွားနေနေသှူ။ ၁၉၃၇ ဗာႏနေင်ႏကိုခါ နင်ꩻမူႏအဲလီသဘဲတ်ယို နှို့ပါငီꩻ လိုꩻမူႏပေႏ ထောင်နာႏလှောန်ꩻထာꩻသား အစှိုꩻကို (မန်း - အမျိုးသမီး ကင်းထောက်အဖွဲ့)။ ၁၉၄၂ ကိုနောဝ်ꩻ နှို့ပါငီꩻ ထောင်နာႏလှောန်ꩻထာꩻ ထီပင်ႏလယ်ႏဖဲ့ꩻ အစှိုꩻကို။ နောဝ်ꩻနေင်ႏကို နင်ꩻမူႏအဲလီသဘဲတ်ယို အဖာဗွေႏ ဇျော့ခွန် ဖေႏထွာ ပိုႏကဲႏတန် အှိုး ဂရဉ်နေးဒီးယား ဗာႏအုံပှိုးခမ်းထီသား အစှိုꩻကို။ ဒုတိယ ကမ္ဘာႏစဲ့ꩻ ခꩻဝင်ꩻပွယ်ꩻကိုခါ နှို့ထွာစဲ့ꩻ အေ၊တီ၊အဲတ်သ စဲ့ꩻတောင်ႏတာႏစှိုꩻကိုထှူ ၁၉၄၅ ဗာႏ နေင်ႏကို ဝင်ꩻဖုံႏ ဖေႏထွာ ပြန်တမ်းဝင်အရာရှိ လိုꩻတန်။ ၁၉၄၇ ဗာႏနေင်ႏ လာနိုဗဲမ်ဘာ ၂၀ နီꩻကိုနောဝ်ꩻ နင်ꩻမူႏအဲလီသဘဲတ် တွမ်ႏ ခွန်စဲ့ꩻ ဗာႏထာꩻမာꩻ ထီဖဲ့ꩻသား ပိုႏကဲႏ (မန်း- ဘုရင့်ရေတပ်မတော်ဗိုလ်) ဖီးလစ်မောဝ့်ဘတ်တန် တောႏလမ်းတောႏပါႏဝင်ꩻ ဝဲက်သမဉ်သတာ ဝုဲင်ႏဖရာꩻကျောင်ꩻ ကအောဝ်ႏဒါႏ လန်ဒန်ဝေင်ꩻကို။

ဒုတိယ အဲလီသဘဲတ်
အဲလီသဘဲတ် (မတ် ၂၀၁၅)
ယူကေ တွမ်ႏဓနသဟာယခမ်ႏထီသားဟော်ခမ်ꩻမူႏ ကနေဒါခမ်းထီ 1952–2022 ဩသတြေးလျခမ်းထီ 1952–2022 နယူးသီလန်ခမ်းထီ 1952–2022 ဇျမေကာခမ်းထီ 1962–2022 ဘဟားမားခမ်း 1973–2022 ဂရီနေဒါခမ်း 1974–2022 ပါပူအာနယူးဂီနီခမ်း 1975–2022 သောလမွန်အုဲင်းလဲန်းခမ်း 1978–2022 တူဗားလူခမ်း 1978–2022 သိန့်လူသီယာခမ်း 1979–2022 သိန့်ဗဉ်းသဉ့် တွမ်ႏ ဂရိနေဒုဲင်ခမ်း 1979–2022 ဘလိဇ်နိုင်ငံ 1981–2022 အင်တီဂွါ တွမ်ႏ ဘာဘူဒါခမ်း 1981–2022 သိန့်ကစ် တွမ်ႏ နဲက်ဗစ်ခမ်း 1983–2022 ပါကစ်သတန်ခမ်း 1952–1956 အာဖရိကအခေါဝ်နောဝ်ခမ်း 1952–1961 သီရိလင်္ကာခမ်း 1952–1972 ဂါနာခမ်း 1957–1960 နိုင်စီးရီးယားခမ်း 1960–1963 သီရာလီယွန်ခမ်း 1961–1971 တန်ဂန်ယီကာခမ်း 1961–1962 ထရီနီဒတ် တွမ်ႏ တိုဘဲက်ဂိုခမ်း 1962–1976 ယုကန္ဓာခမ်း 1962–1963 ကင်ညာခမ်း 1963–1964 မာလဝီခမ်း 1964–1966 မော်လတာခမ်း 1964–1974 ဂမ်ဘီယာခမ်း 1965–1970 ဂီယာနာခမ်း 1966–1970 မောရိဆျခမ်း 1968–1992 ဖီစီခမ်း 1970–1987 ဘာဘားဒေါ့သ်ခမ်း 1966–2021
6 February 1952 – 8 September 2022
ပွယ်ႏနှို့ဟော်	2 June 1953
လိုꩻအရီးဖြာꩻ	ဆဌမ ဇျော့ခွန်
ထူႏကမ်ႏဆုမ်ႏအမွီႏသား	ဝေးလ်ခမ်ႏ ခွန်ပို
လှူးဖွာꩻ	(1926-04-21) ၂၁ အေပီ၊ ၁၉၂၆ မေဖဲယား၊ ဝေင်ꩻလန်ဒန်၊ ယူနုဲက်တဲတ်ကဉ်းဒမ်း
သီကုဲင်	၈ သဲက်တဲဉ်ဗာ၊ ၂၀၂၂(2022-09-08) (အသက် ၉၆) Balmoral Castle, Aberdeenshire, United Kingdom
လမ်းသား	ဖိလစ် မင်းသား (အက်ဒန်ဘာရာမြို့စားကြီး) (m. ၁၉၄၇)
ပိုဖုံႏရာ အစဲင်းဗွေ	ဝေးလ်ခမ်း ခွန်ပို Anne, Princess Royal Prince Andrew, Duke of York Prince Edward, Earl of Wessex
အမဉ်ꩻဗွေ အဲလီသဘဲတ် အလဲက်သန်းဒြား မယ်ရီ ဝဉ်သာ (Elizabeth Alexandra Mary Windsor)
လမ်းအုံ	ဝဉ်သာ
ပိတု ဖာဗွေႏ	ဇျော့(၆)
မာတာ မှိုးဗွေႏ	အဲလီသဘဲတ် ဘိုးဝဲက်သ်လီယန်