ဒုံဆောင်ႏလွိုင်ႏကွိုန်ꩻရေꩻ
"ဒုံဆောင်ႏလွိုင်ႏကွိုန်ꩻရေꩻ" နီဒုံနီဆောင်ႏ ဖေႏကလွိုင်ႏကွိုန်ꩻ သာႏယာႏလွဉ်နောဝ်ꩻ ဒုံကိုဆောင်ႏကို ကအောဝ်ႏဒါႏ ပုဂ္ဂိုလ်ႏဖုံႏ နွောင်ꩻရာꩻတာႏဝွန်ႏပွုံႏတာႏယို အွဉ်လို့ဝင်ꩻ အောဝ်ႏလိုႏထေင်းထံႏခွုမ်စံႏမာꩻလွေꩻဖေႏ၊ နေးတွမ်ႏနီထာꩻသေဉာဏ်ႏတဲင် လွေꩻကွီထေ့လိုꩻဖြားလိုꩻတန်ထျꩻ အကျံႏဉာဏ်ႏတွော့ꩻ အောဝ်ႏလိုႏထူႏတာႏဝွန်ႏခွုမ်မာꩻလွေꩻဖေႏ ဒုံဆောင်ႏလွိုင်ႏကွိုန်ꩻသာႏယာႏရေꩻထာꩻမာꩻ၊ ဝင်ꩻထွဉ်ႏမꩻ မာꩻနောဝ်ꩻ ထွာဒျာႏလိုꩻပဒေႏသရာဇ်သꩻဓာတ်၊ ယိုခါ ပဒေႏသရာဇ်ခေတ်လို့လဲဉ်း၊ ပဒေႏသရာဇ်သꩻဓာတ်ယို အွဉ်ႏဗွို့ꩻခြꩻမွိုန်းနီနမ်း၊ နွန်ႏထန်ႏထိုꩻသွူ ပဒေႏသရာဇ်သꩻဓာတ်တွော့ꩻ ယံပင်ႏတသွောင်းထိုသွော့ စွိုးခွိုꩻဘာႏသာႏ သာႏသနာႏနောဝ်ꩻသွူ။ လောကကိုနောဝ်ꩻ ထာꩻတအဲဉ်ထောဝ်းယို ဖေႏကအောဝ်ႏလွဉ်နောဝ်ꩻ မာꩻလꩻဒျာႏ၊ ထာꩻတသေတောဝ်းလဲ့ ဖေႏကသေလွဉ်နောတ်ꩻ မာꩻလꩻဒျာႏ၊ ကွဲတွော့ꩻ မဉ်ႏမာꩻတောဝ်းထာꩻမာꩻနောဝ်ꩻ ထာꩻမုဲင်ꩻမုဲင်ꩻ ထွာလွဉ်တောဝ်းတဲင် ယပ်ꩻငါႏနောဝ်ꩻသွူ။ နီကအောဝ်ႏအုံဒါႏ လောကယိုနောဝ်ꩻ ထွာဒျာႏသင်္ခါရလောကတဲင် နီလမ်းနီပါႏ၊ နီဒုံနီဆောင်ႏ ဖေႏကလွိုင်ႏကွိုန်ꩻသာႏယာႏလွဉ်နောဝ်ꩻ မွဉ်းဖျင်ဖေႏမꩻ၊ မဉ်ႏမွဉ်းဖျင်တောဝ်းနောဝ်ꩻ ထွားတရေꩻတောဝ်း၊ ထွားတင်ႏတယ်ႏတောဝ်း၊ မဉ်ႏမွဉ်းဖျင်ဖေႏတရေꩻရေꩻယံယံနောဝ်ꩻ ထွားလဲ့တရေꩻ၊ သꩻလဲ့ပျောႏသွင်ႏနောဝ်ꩻသွူ။ ကွပ်နောဝ်ꩻမꩻ နီဒုံဆောင်ႏ ဖေႏကလွိုင်ႏကွိုန်ꩻသာႏယာႏလွဉ်နောဝ်ꩻ တာႏဝွန်ႏပွုံႏတာႏအောဝ်ႏချာဒျာႏ နီလိုꩻဒုံပြေင်လောင်းမွော့နဲ၊ လိုꩻတွိုင်ꩻစွုမ်ႏဖြာꩻ ယူႏလꩻသေႏသေႏထွူတွော့ꩻ ယံထူႏတာႏဝွန်ႏမာꩻကေႏကေႏလွေꩻသွော့ ဒုံဆောင်ႏထာꩻမာꩻအကျောင်ꩻ-[၁][၂]