ဒုံသားသီး
အရပ်သားတင်ꩻလှဲဟွေး- သီပိုသီလီꩻဖုံႏနောဝ်ꩻ စိမ်အမူႏစိမ်အခို သွဉ်လွေသွော့ဒါႏဒါႏ၊ ဖေႏကယေန်ႏကငဲး၊ အမိဉ်ႏတန်လွဉ် နွို့အမျာꩻဖုံႏခြာ ဖေႏကလꩻ၊ ဖေႏကဒါႏ၊ ပေါႏသီသွဉ်ပိုလီꩻတဒါႏတောဝ်းလဲ့ မဲ့ꩻသီပိုနွို့တင်ꩻလှဲဖုံႏခြာ တလꩻတောဝ်း၊ နွို့တင်ꩻလှဲဖုံႏခြာ မီႏတလꩻတောဝ်းတဲင် လိုꩻတန်မီႏသွဉ် မဲ့ꩻသီသမ်းရိုꩻဝင်ꩻဟောဝ်တဝ်း၊ ဖေႏကလွစ်ရိုꩻဝင်ꩻဟောဝ်တောဝ်းနောဝ်ꩻ သွဉ်လꩻလꩻ အဟောဝ်မျိုꩻနော၊ လိုꩻဟောဝ်သူႏတောႏကောင်ꩻ ကအီႏအောဝ်ႏခံဗာႏထောင်ႏနဝ်ꩻ ဝင်ꩻလꩻထီႏဖိုတောဝ်း၊ သီသွဉ်မီႏတလꩻတဝ်း ထွဉ်ႏအမျာꩻလိုꩻဒုံသွဉ်ကို၊ လိုꩻဒုံသွဉ်ကိုဆွူ ဝွေꩻမီႏတနာႏတောဝ်းလဲ့ နယ်ႏသားသွဉ်ဗာႏ၊ နယ်ႏသားမီႏသွဉ်နောဝ်ꩻ အမျိုꩻစွုမ်ႏနော၊ မဲ့ꩻသီကထွာမွိုးဖါ သမ်းရိုꩻဝင်ꩻဟောဝ်တောဝ်း ရိုꩻဗာႏတောဝ်းနော။ သီကထွာမွိုးဖါ သွဉ်တလꩻတောဝ်းတဲင် ဝင်ꩻသွဉ်ဖေႏ ခမ်းထီကငိမ်ꩻ၊ ခမ်းထီကိုယို လိုꩻဟောဝ်တောဝ်း မီႏအောဝ်ႏသော့ꩻနဝ်ꩻ အရပ်သားတင်ꩻလှဲ မော့ꩻငါႏထာꩻဒုက္ခ၊ လိုꩻဟောဝ်တောဝ်း မီႏတအဲဉ်ထောဝ်းသော့ꩻ ခမ်းထီကိုယိုနောဝ်ꩻ အရပ်သားတင်ꩻလှဲ သꩻချံꩻသာႏနော၊ အလွေꩻအသဲင်ꩻ အကူꩻအကား အအုံအအောဝ်ႏ အဗေင်ႏအအံႏ အဖြေꩻအစာဖုံႏယို လိုꩻဟောဝ်တောဝ်း မီႏအဲဉ်ထောဝ်းနောဝ်ꩻ လိုꩻတင်ꩻလှဲ သꩻချံꩻသာႏလို့နော။[၁][၂][၃]