ဗဲလာရုခမ်းထီ
ဗဲလာရုခမ်းထီ (အိန်းကလေတ်: Belarus) (ဟဲ့ꩻ) ဗီလာရုခမ်း ယို တရာꩻဝင်ႏအနေႏ အဝ်ႏဟဲ့ꩻဖန်ခါꩻ ဗဲလာရုခမ်းနမ်းဗွေႏခမ်းထီ(Republic of Belarus) တဲင် အဝ်ႏဒျာႏ ဥရောပတွိုက် အခဝ်ကွဉ်ႏကိုသွူ။ ဖဲ့ꩻကွဉ်ႏတောမ်ႏ ဖဲ့ꩻကွဉ်ႏထင်ꩻဖဲ့ꩻနဝ်ꩻ ရသျားခမ်းထီ၊ ဖဲ့ꩻတွို့ꩻဖဲ့ꩻနဝ်ꩻ ပိုလန်ခမ်းထီ၊ ဖဲ့ꩻနဝ်ဖဲ့ꩻနဝ်ꩻ ယူကရေင်းခမ်းထီ၊ ဖဲ့ꩻတွို့ꩻထင်ꩻဖဲ့ꩻနဝ်ꩻ လိစ်တူယေးနီးယားခမ်းထီ၊ လတ်ဗီယာခမ်းထီ ဖုံႏ အဝ်ႏခူရောင်ꩻခါꩻနဝ်ꩻသွူ။ ဗဲလာရုခမ်းတန်ယို လွောင်ႏဗူႏခါꩻတောမ်ႏ ဒေႏသတန် ၆ ဖြုံႏ တဲင် ခမ်းထီဟံႏနယ်ႏဧရိယာႏနဝ်ꩻ အဝ်ႏစတုရန်းမဲင်ႏ ၈၀,၂၀၀ မဲင်ႏ (၂၀၇,၆၀၀ စတုရန်းကီလိုမီတာ) သွူ။ ဗဲလာရုခမ်းနဝ်ꩻ ၂၀၂၄ ဗာႏ စာႏရင်ꩻအလꩻ ခမ်းထီကို လိုꩻဖြာꩻခြွဉ်းအဝ်ႏ (၉.၁)သန်းလွို၊ နဝ်ꩻအကို (၈၄ %)နဝ်ꩻ ထွာဒျာႏ ဗဲလာရုလိုꩻမျိုꩻတဲင် ခမ်းထီတန် ဘာႏသာႏငဝ်းငွါလဲ့ ထွာဒျာႏ ဗဲလာရုဘာႏသာႏငဝ်းငွါ နဝ်ꩻသွူ။ ခမ်းထီဝေင်ꩻတန်တောမ်ႏ အတန်သွတ်ꩻဝေင်ꩻနဝ်ꩻ ထွာဒျာႏ ဝေင်ꩻမိစ် နဝ်ꩻသွူ။ ဝေင်ꩻမိစ်ယို ထွာဒျာႏ အထူꩻအိုပ်ချုတ်ရေꩻဝေင်ꩻတန်တဲင် အိုပ်ချုတ်ရေꩻအဝ်ႏဒျာႏခေါ်ခေါ် နဝ်ꩻသွူ။