မော်ဒိုဗာခမ်းထီ
မော်ဒိုဗာခမ်းထီ (အိန်းကလေတ်: Moldova) ယို တရာꩻဝင်ႏအမိဉ်ꩻအနေႏ အဝ်ႏဟဲ့ꩻဖန်ခါꩻ မော်ဒိုဗာ ခမ်းနမ်းဗွေႏခမ်းထီ တဲင် အဝ်ႏဒျာႏ ဥရောပတွိုက် အခဝ်ကွဉ်ႏ ဗော်ကန်ကြွန် အခဝ်ကွဉ်ႏထင်ꩻကိုသွူ။[၁] မော်ဒိုဗာခမ်းနဝ်ꩻ ခမ်းထီအကူအဝ်ႏရောင်ꩻလွေꩻဒျာႏတောမ်ႏ ဖဲ့ꩻနဝ်၊ ဖဲ့ꩻထင်ꩻတောမ်ႏဖဲ့ꩻကွဉ်ႏဖဲ့ꩻနဝ်ꩻ ယူကရေင်းခမ်းထီ၊ ဖဲ့ꩻတွို့ꩻနဝ်ꩻ ရိုမေးနီးယားခမ်းထီ ဖုံႏနဝ်ꩻသွူ။ မော်ဒိုဗာခမ်း ခမ်းထီဟံႏနယ်ႏဧရိယာႏနဝ်ꩻ အဝ်ႏစတုရန်းမဲင်ႏ ၁၂,၉၂၈ မဲင်ႏ (၃၃,၄၈၃ စတုရန်းကီလိုမီတာ) သွူ။ မော်ဒိုဗာခမ်း တောမ်ႏ ယူကရေင်းခမ်း အခါႏ ကအဝ်ႏဒါႏ Transnistria ဒေႏသယို ရိုꩻကီအပါသော့ꩻ မော်ဒိုဗာခမ်းထီကိုတဲ့ ထွာဒျာႏ တထိန်ꩻချုတ်နွောင်ꩻတဝ်းဒွိုန်း ခမ်းနယ်ႏခေါ်(ခွဲထွက်) တနယ်ႏဒျာႏသွူ။ ၂၀၂၄ ဗာႏ စာႏရင်ꩻအလꩻ ခမ်းကိုနဝ်ꩻ လိုꩻဖြာꩻအဝ်ႏ (၂)သန်းလွိုတဲင်[၂] နဝ်ꩻအကို (၈၂%)ရပ်နဝ်ꩻ ထွာဒျာႏ မော်ဒိုဗာလိုꩻမျိုꩻ တောမ်ႏ ရိုမေးနီးယားလိုꩻမျိုꩻတဲင် (၉၁%)နဝ်ꩻ ကိုꩻကွဲႏယွုမ်းအံႏ ခရိယာန်ႏဘာႏသာႏ နဝ်ꩻသွူ။ မော်ဒိုဗာ ခမ်းထီဝေင်ꩻတန်တောမ်ႏ အတန်သွတ်ꩻဝေင်ꩻနဝ်ꩻ ထွာဒျာႏ ဝေင်ꩻခီသီနော သွူ။
အာႏကွိုꩻ
မွဉ်းဖျင်- ↑ The World Factbook — Central Intelligence Agency (in en)။
- ↑ "Moldova country profile" (in en-GB)၊ BBC News၊ 3 April 2012။