ရိုမေးနီးယားခမ်းထီ
ရိုမေးနီးယားခမ်းထီ (အိန်းကလေတ်: Romania) နဝ်ꩻ အဝ်ႏဒျာႏ ဥရောပတွိုက် အခဝ်ကွဉ်ႏနဝ်ကိုတဲင် ခမ်းထီအကူအဝ်ႏရောင်ꩻလွေꩻဒျာႏတောမ်ႏ ဖဲ့ꩻထင်ꩻတောမ်ႏဖဲ့ꩻကွဉ်ႏဖဲ့ꩻနဝ်ꩻ ယူကရေင်းခမ်းထီ၊ ဖဲ့ꩻတွို့ꩻနဝ်ꩻ ဟန်ဂေရီခမ်းထီ၊ ဖဲ့ꩻတွို့ꩻနဝ်ဖဲ့ꩻနဝ်ꩻ သားဗီးယားခမ်းထီ၊ ဖဲ့ꩻနဝ်ဖဲ့ꩻနဝ်ꩻ ဗူဂေးရီးယားခမ်းထီ၊ ဖဲ့ꩻကွဉ်ႏဖဲ့ꩻနဝ်ꩻ မော်ဒိုဗာခမ်းထီ၊ ဖဲ့ꩻကွဉ်ႏနဝ်ဖဲ့ꩻနဝ်ꩻ ပင်ႏလယ်ႏဖြေင်း ဖုံႏနဝ်ꩻသွူ။ ရိုမေးနီးယား ခမ်းထီဟံႏနယ်ႏဧရိယာႏနဝ်ꩻ အဝ်ႏစတုရန်းမဲင်ႏ ၉၂,၀၄၆ မဲင်ႏ (၂၃၈,၃၉၇ စတုရန်းကီလိုမီတာ) သွူ။ ရိုမေးနီးယားခမ်းနဝ်ꩻ ဥရောပကို ခမ်းထီပေႏတန်ႏအလꩻ အဝ်ႏလွေꩻ အရန်းတဆီနီ တောမ်ႏ ဥရောပသမဂ္ဂအစွိုꩻနွို့ခမ်းထီဖုံႏအကို လိုꩻဖြာꩻအာသွတ်ꩻခမ်းဖုံႏအကို ရိုမေးနီးယားနဝ်ꩻ အဝ်ႏလွေꩻ အရန်းသူ နဝ်ꩻသွူ။ ၂၀၂၄ ဗာႏ စာႏရင်ꩻအလꩻ ခမ်းကိုနဝ်ꩻ လိုꩻဖြာꩻအဝ်ႏ (၁၉)သန်းလွိုတဲင် နဝ်ꩻအကို (၈၉%)ရပ်နဝ်ꩻ ထွာဒျာႏ ရိုမေးနီးယားလိုꩻမျိုꩻတဲင် (၈၄%)နဝ်ꩻ ကိုꩻကွဲႏယွုမ်းအံႏ ခရိယာန်ႏဘာႏသာႏ နဝ်ꩻသွူ။ ရိုမေးနီးယား ခမ်းထီဝေင်ꩻတန်တောမ်ႏ အတန်သွတ်ꩻဝေင်ꩻနဝ်ꩻ ထွာဒျာႏ ဝေင်ꩻဗူကရဲစ် သွူ။ ဥရောပကို ဒုတိယအဆွာꩻသွတ်ꩻထီခြောင် ကထွာဒါႏ ဒန်နုခြောင်(Danube)နဝ်ꩻ အဝ်ႏကာႏလင်ꩻသော့ꩻ ရိုမေးနီးယားခမ်း အခဝ်တွို့ꩻနဝ်ကိုသွူ။