မျန်မာ ယူနီကိုဒ်

ယူနီကိုဒ် (အိန်းကလေတ်: Unicode) ကရိုꩻနဝ်ꩻ စွုမ်ႏခမ်းစွုမ်ႏထီ ကအဝ်ႏသွုံꩻတဲမ်းအီဒါႏ အက္ခရာႏလိတ်ဖြုံႏဖုံႏအတွက်

• ပလဲတ်ဖောင်း (Platform) မုဲင်ꩻတရိုꩻတဝ်း
• ပရိုဂရမ် (Program) မုဲင်ꩻတရိုꩻတဝ်း။
• ငေါဝ်းငွါ language မုဲင်ꩻတရိုꩻတဝ်း ကသတ်မတ်ခေါ်ခေါ်ခါꩻဖေႏဒါႏတွမ်ႏ ဂဏန်ꩻနံႏပတ်စဲဉ်ႏဖုံႏဒျာႏသွူ။

Myanmar
Range	U+1000..U+109F ( code points)
Plane	Unassigned plane
Scripts	Myanmar (script)
အဓိကအက္ခရာႏဖုံႏ	လိတ်မန်း မဲင်ꩻ စောက်ꩻ စောက်ꩻတနျာႏ(ကယား) ဖြဝ်ꩻ ပလောင်(တအာင်း)
Assigned	160 code points
ထူႏသုင်ꩻတဝ်း	reserved code points
ယူနီကိုဒ် ဗားသိဉ်းသမဲင်ꩻ
3.0	78 (+78)
5.1	156 (+78)
5.2	160 (+4)
တောင်ꩻသေꩻ:

Myanmar Extended-A
Range	U+AA60..U+AA7F ( code points)
Plane	Unassigned plane
Scripts	Myanmar
အဓိကအက္ခရာႏဖုံႏ	ဖြဝ်ꩻခန္တီး Aiton
Assigned	32 code points
ထူႏသုင်ꩻတဝ်း	reserved code points
ယူနီကိုဒ် ဗားသိဉ်းသမဲင်ꩻ
5.2	28 (+28)
7.0	32 (+4)
တောင်ꩻသေꩻ:

Myanmar Extended-B
Range	U+A9E0..U+A9FF ( code points)
Plane	Unassigned plane
Scripts	Myanmar
အဓိကအက္ခရာႏဖုံႏ	ပါဠိ, Tai Laing
Assigned	31 code points
ထူႏသုင်ꩻတဝ်း	reserved code points
ယူနီကိုဒ် ဗားသိဉ်းသမဲင်ꩻ
7.0	31 (+31)
တောင်ꩻသေꩻ:

Myanmar
Range	U+1000..U+109F ( code points)
Plane	Unassigned plane
Scripts	Myanmar (script)
အဓိကအက္ခရာႏဖုံႏ	လိတ်ပအိုဝ်ႏ မန်း မဲင်ꩻ စောက်ဗွာ စောက်ꩻတနျာႏ ဖြဝ်ꩻ ပလောင်း
Assigned	160 code points
ထူႏသုင်ꩻတဝ်း	reserved code points
ယူနီကိုဒ် ဗားသိဉ်းသမဲင်ꩻ
3.0	78 (+78)
5.1	156 (+78)
5.2	160 (+4)
တောင်ꩻသေꩻ:

Myanmar Extended-A
Range	U+AA60..U+AA7F ( code points)
Plane	Unassigned plane
Scripts	Myanmar
အဓိကအက္ခရာႏဖုံႏ	ဖြဝ်ꩻခန္တီး Aiton
Assigned	32 code points
ထူႏသုင်ꩻတဝ်း	reserved code points
ယူနီကိုဒ် ဗားသိဉ်းသမဲင်ꩻ
5.2	28 (+28)
7.0	32 (+4)
တောင်ꩻသေꩻ:

Myanmar Extended-B
Range	U+A9E0..U+A9FF ( code points)
Plane	Unassigned plane
Scripts	Myanmar
အဓိကအက္ခရာႏဖုံႏ	ပါဠိ, Tai Laing
Assigned	31 code points
ထူႏသုင်ꩻတဝ်း	reserved code points
ယူနီကိုဒ် ဗားသိဉ်းသမဲင်ꩻ
7.0	31 (+31)
တောင်ꩻသေꩻ:

ကမ္ဘာႏသွုံꩻဘာႏသာႏငေါဝ်းငွါကားကအဝ်ႏကို ကပါသော့ꩻဒါႏ လိတ်ဖြုံႏအဖြုံႏတွိုင်ꩻယို ယူနီကုဒ်နဝ်ꩻ အအွဉ်ႏထွော့ခါꩻဖေႏနေးတွမ်ႏ အမဲဉ်ႏသွတ်ꩻအက္ခရာႏနံႏပါတ်ဂဏန်ꩻစဲဉ်ႏတဗာႏစီႏသွူ။ လိတ်ဖြုံႏတဖြုံႏတဖြုံႏစီႏယိုနောဝ်ꩻ ဝွေꩻအွဉ်ႏထွော့ခါꩻဖေႏနေးတွမ်ႏ အမဲဥ်ႏသွတ်ꩻ(တိကျသွတ်ꩻ)နံႏပါတ်စဲဉ်ႏတဗာႏစီႏနုဲင်းနဝ်ꩻသွူ။ ယူနီကုဒ်စနိစ်လိတ်ဖြုံႏနဝ်ꩻ ယိုတဖြုံႏတဲ့နံႏပါတ်ယိုအဝ်ႏဒျာႏ၊ နဝ်ꩻတဖြုံႏတဲ့ နံႏပါတ်နဝ်ꩻအဝ်ႏဒျာႏ၊ လိတ်တဖြုံႏတဖြုံႏစီႏနဝ်ꩻ နံႏပါတ်စဲဉ်ႏအဝ်ႏဒျာႏ ပငါပရာတဲင် လိတ်ဖြုံႏရော်ꩻတဝင်လꩻဒွုမ်၊ ကွပ်ပွိုးနဝ်ꩻမ့ꩻ လိတ်ဖြုံႏအမာႏတရွို့ꩻလဲ့ တအဝ်ႏဒွုမ်တဲင် ထွာအမဲဉ်ႏဗဲက်သွတ်ꩻ လိတ်ဖြုံႏစနိစ်ရိုꩻဗာႏနုဲင်းနဝ်ꩻသွူ။ နဝ်ꩻထွူတကာႏတဝ်း ဝွေꩻယိုနဝ်ꩻ ထွာဒျာႏအမျာꩻသွုံꩻစနိစ်တဗာႏသွူ။ ယူနီကုဒ်လိတ်ဖြုံႏကားကအဝ်ႏယို သော့ꩻငီꩻတဝင်ꩻ Font တဗာႏကိုလꩻဒျာႏတဲင် ကွန်ပျူတာစနိစ်မုဲင်ꩻတရိုꩻတဝ်း ထူႏသွုံꩻအီလꩻနွောင်ꩻလို့ဒျာႏသွူ။

ကွန်ပျူတာသီးမျိုꩻနဝ်ꩻ သေနာႏဒျာႏကွို့ꩻ ဂဏန်ꩻနံႏပါတ်ဖုံႏလွုမ်ꩻသွူ။ ကွန်ပျူတာနဝ်ꩻ ဟော်ꩻမတ်ထာꩻတဲ့နဝ်ꩻ၊ သိမ်ꩻခါꩻထာꩻတဲ့နဝ်ꩻ အမာꩻအီဗာႏနေးဒျာႏတွမ်ႏ ဂဏန်ꩻနံႏပါတ်ဖုံႏသွူ။ ဝင်ꩻခါးလားကတယ်ႏထောင်ႏ ယူနီကုဒ်ခိန်ႏနဝ်ꩻ မဲဉ်သေဒါႏ ဂဏန်ꩻနံပါတ်စဲဉ်ႏအဗာႏမုဲင်ꩻတရိုꩻတဝ်း ဖေႏနေးကသေ ထေဖောႏသွုံꩻစွယ်ꩻအီဗာႏနေးဒျာႏတွမ်ႏ ဂဏန်ꩻအွဉ်ႏတေတ်ꩻဖုံႏသွူ။ ငေါဝ်းတငွါအတာႏ ဗွေပြဲ့ꩻစွုံႏဒါႏ encoding စနိစ်ဖုံႏ တအဝ်ႏတဝ်းသွူ။

ယူနီကုဒ်စနိစ်ယိုနဝ်ꩻ မျန်မာအက္ခရာႏတဖြုံႏစီႏအတာႏ ဝွေꩻအွဉ်ႏထွော့ခေါ်ခေါ်ဖေႏနေး အနံႏပါတ် တယ်ႏ U 1000 ဗꩻလွေꩻစွဉ်ႏ U 109F သွူ။ မျန်မာယူနီကုဒ်ယိုနဝ်ꩻ မဲင်ꩻ၊ စောက်ꩻဗွာ၊ စောက်ꩻတနျာႏ၊ ဖြဝ်ꩻ၊ ပအိုဝ်ႏ တွမ်ႏ ပလောင်းဘာႏသာႏဖုံႏလဲ့ ပါသော့ꩻနေနေသွူ။ ပါႏဠိ တွမ်ႏ သက္ကရိုက် ဘာႏသာႏငေါဝ်းငွါလဲ့ သွုံꩻအီလꩻဒျာႏသွူ။

မျန်မာ[1] Unicode Consortium ကိုဒ်ဇယား (PDF)

0

1

2

3

4

5

6

7

8

9

A

B

C

D

E

F

U+100x

က

ခ

ဂ

ဃ

င

စ

ဆ

ဇ

ဈ

ဉ

ည

ဋ

ဌ

ဍ

ဎ

ဏ

U+101x

တ

ထ

ဒ

ဓ

န

ပ

ဖ

ဗ

ဘ

မ

ယ

ရ

လ

ဝ

သ

ဟ

U+102x

ဠ

အ

ဢ

ဣ

ဤ

ဥ

ဦ

ဧ

ဨ

ဩ

ဪ

ါ

ာ

ိ

ီ

ု

U+103x

ူ

ေ

ဲ

ဳ

ဴ

ဵ

ံ

့

း

္

်

ျ

ြ

ွ

ှ

ဿ

U+104x

၀

၁

၂

၃

၄

၅

၆

၇

၈

၉

၊

။

၌

၍

၎

၏

U+105x

ၐ

ၑ

ၒ

ၓ

ၔ

ၕ

ၖ

ၗ

ၘ

ၙ

ၚ

ၛ

ၜ

ၝ

ၞ

ၟ

U+106x

ၠ

ၡ

ၢ

ၣ

ၤ

ၥ

ၦ

ၧ

ၨ

ၩ

ၪ

ၫ

ၬ

ၭ

ၮ

ၯ

U+107x

ၰ

ၱ

ၲ

ၳ

ၴ

ၵ

ၶ

ၷ

ၸ

ၹ

ၺ

ၻ

ၼ

ၽ

ၾ

ၿ

U+108x

ႀ

ႁ

ႂ

ႃ

ႄ

ႅ

ႆ

ႇ

ႈ

ႉ

ႊ

ႋ

ႌ

ႍ

ႎ

ႏ

U+109x

႐

႑

႒

႓

႔

႕

႖

႗

႘

႙

ႚ

ႛ

ႜ

ႝ

႞

႟

တောင်ꩻသေꩻ ၁။^ ယူနီကိုဒ် ဗားသိဉ်း 8.0 အလꩻ

မျန်မာ ကတိုႏထဲင်းဒါႏအက္ခရာႏ-က[1] Unicode Consortium ကိုဒ်ဇယား (PDF)

0

1

2

3

4

5

6

7

8

9

A

B

C

D

E

F

U+AA6x

ꩠ

ꩡ

ꩢ

ꩣ

ꩤ

ꩥ

ꩦ

ꩧ

ꩨ

ꩩ

ꩪ

ꩫ

ꩬ

ꩭ

ꩮ

ꩯ

U+AA7x

ꩰ

ꩱ

ꩲ

ꩳ

ꩴ

ꩵ

ꩶ

꩷

꩸

꩹

ꩺ

ꩻ

ꩼ

ꩽ

ꩾ

ꩿ

Notes 1.^ ယူနီကိုဒ် ဗားသိဉ်း 11.0 အလꩻ

မျန်မာ ကတိုꩻထဲင်းအက္ခရာႏ-ခ[1][2] Unicode Consortium ကိုဒ်ဇယား (PDF)

0

1

2

3

4

5

6

7

8

9

A

B

C

D

E

F

U+A9Ex

ꧠ

ꧡ

ꧢ

ꧣ

ꧤ

ꧥ

ꧦ

ꧧ

ꧨ

ꧩ

ꧪ

ꧫ

ꧬ

ꧭ

ꧮ

ꧯ

U+A9Fx

꧰

꧱

꧲

꧳

꧴

꧵

꧶

꧷

꧸

꧹

ꧺ

ꧻ

ꧼ

ꧽ

ꧾ

Notes 1.^ ယူနီကိုဒ် ဗားသိဉ်း 11.0 အလꩻ 2.^ အကွက်ꩻမေႏလူးရောင်ႏကိုနဝ်ꩻ ထွာဒျာႏ တသော့ꩻခါꩻဗာႏတဝ်း ကုဒ်ပွိုင့် ခင်ႏလမ်းဒျာႏသွူ

မျန်မာယူနီကုဒ် သမဲင်ꩻ

မျန်မာလိတ်ဖြုံႏယိုနဝ်ꩻ encode သော့ꩻထွူ ASCII Code လောင်းတွော့ꩻ ထူႏသွုံꩻအီလွတဝင်ꩻဖုံႏသွူ။ မိဉ်ႏဒေါ့ꩻဗာႏတဲ့ ထွာနုဲင်း ထူႏသွုံꩻအီလဆောင်း အိန်းကလေတ် Character set ရိုꩻဗာႏနုဲင်းနဝ်ꩻသွူ။ ဥပမာႏ- မျန်မာလိတ်ဖြုံႏ “က” ယိုနဝ်ꩻ encode ဒင်ႏခါꩻဒျာႏ အိန်းကလေတ်အက္ခရာႏ U (ASCII code point 117) လောင်း နုဲင်းနဝ်ꩻသွူ။ ကွဲတွော့ꩻ ယူနီကုဒ်ကို “က” တွမ်ႏ "u" ယိုနဝ်ꩻ အက္ခရာႏတပီတဝ်းတဝင်ꩻသွူ။ ကွန်ပျူတာနဝ်ꩻ ဝွေꩻမိဉ်ႏသေနာႏခါꩻသွူ ကအွဉ်ႏထွော့ခါꩻဒါႏအမုဲင်ဖုံႏနုဲင်းယိုမ့ꩻ တကမ္ဘာႏလွုမ်းကားကအဝ်ႏဒါႏ ကွန်ပျူတာဖုံႏလဲ့ အီႏသေနာႏနွောင်ꩻ မျန်မာလိတ်ဖြုံႏသွူ။ ကွန်ပျူတာကလက်ခံႏနွောင်ꩻဒါႏ အွဉ်ႏထွော့ခါꩻနေးအမုဲင်ကရိုနဝ်ꩻ အပွုံႏ ပေါႏရိုꩻကရီးတဲ့ U+1000၊ ပေါႏရိုꩻခရီးတဲ့ U + 1001 စတဲင် အွဉ်ႏထွော့ပွုံႏသေႏခါꩻနေတွမ်ႏ ကုဒ်အနေႏနုဲင်းယိုသွူ။ အွဉ်ႏထွော့ခါꩻနေးလွုမ်ꩻတကာႏတဝ်း ကမ္ဘာႏတဖြုံႏလွုမ်းအကို ခွုင်းတဲင်ကအဝ်ႏဒါႏ Software Developer ဖုံႏ ဖေႏနေးကသေထွꩻလꩻတွော့ꩻ ဖေႏနေးကသွုံꩻအီနွောင်ꩻတလဲင်ႏချင်ꩻနောဝ်ꩻ အွဉ်ႏထွော့ကေႏညာႏခါꩻဖေႏပါကဒွိုန်းသွူ။ ကအွဉ်ႏထွော့ꩻကေႏညာႏနုဲင်းယိုနဝ်ꩻ အခေႏခံႏအွဉ်ႏထွော့ꩻကေႏညာႏအီဗာႏဒျာႏတွမ်ႏ ISO အနေႏသွူ။

ယူနီကုဒ် ၁.၀ အကို ယူနီကုဒ် ဝင်ꩻကအဝ်ႏသွုံꩻယိုခါခါနဝ်ꩻ အဝ်ႏဒျာႏတိဗဲတ်ဘာႏသာႏငဝ်းငွါဆꩻလ့သွူ။ ယူနီကုဒ် ၁.၁ နဝ်ꩻ ဖုဲင်းထန်ႏထိုꩻလဲဉ်းလိတ်မျန်မာတဲင် ၂.၀ အကိုနဝ်ꩻ သော့ꩻဖေႏချာယင်းလဲဉ်း ကုဒ်နံႏပါတ်အလင်ဆꩻလသွူ။

၁၉၉၅ခုနေင်ႏ၊ မတ်လာ ၁၂နီꩻအခိန်ႏတွင်ꩻကာႏလ သမယအယံꩻတွင်ꩻ ကောကထွာလင်ꩻဒါႏ မိုက်ကယ်အီဗာသိဉ်နဝ်ꩻ အဝ်ႏ WG2 ကို ဒင်ႏသွင်ꩻစခန်း Title: Names of Burmese characters: comment on Unicode Technical Report #1 ကရိုꩻဒါႏ လိတ်ယိုတစောင်ႏသွူ။

တိန်ႏတွိုႏ ၁၉၉၆ ခုနေင်ႏနဝ်ꩻ မိုက်ကယ်အီဗာဆင်ဖေႏကျံႏဉာဏ်ႏဒင်ႏသွင်ꩻ (proposal) စခန်းနဝ်ꩻသွူ။

တိန်ႏတွိုႏ ၁၉၉၈ခုနေင်ႏနဝ်ꩻ မိုက်ကယ်အီဗာသိဉ် ထဲမ်ဖျင်ဒင်ႏသွင်ꩻ (amendment)ဖျင်ယင်းသွူ။

တိန်ႏတွိုႏ ၁၉၉၈ခုနေင်ႏနဝ်ꩻ ကိုဇော်ထွဋ်တဲမ်းထန်ႏယင်း Response to Myanmar Proposal N1729 (Expert Contribution to Unicode Consortium) နဝ်ꩻသွူ။

၁၉၉၈ခုနေင်ႏ အယံꩻတွင်ꩻနဝ်ꩻခါနဝ်ꩻ လန်ဒန်၊ ယူကေခမ်းထီအကို ဝင်ꩻသံးမာꩻ ပွယ်ꩻအုံကွံ WG 2 meeting 35 တဲင် မျန်မာခမ်းထီသား ဒေါက်တာအောင်မော် (CE)၊ ဦးခင်မောင်လွင် (ကွန်ပျူတာတက္ကသိုလ်ႏ)၊ ဦးသောင်းတင်(KMD) တွမ်ႏ ဦးသိန်းထွဋ် (Geocomp) သီးနဝ်ꩻ လေ့လာလွူꩻထွားသားအနေႏ နွို့ပါထင်ႏရဝ်းညီꩻခန်း ပွယ်ꩻအုံကွံကိုသွူ။ ကွပ်ပွိုးစွဉ်ႏဒျာႏ ထီႏငါႏစွိုးခွိုꩻသွီႏယာႏသီးမဲ့ငါတဲင် ဝွေꩻသီးစွိုꩻနဝ်ꩻ ဒင်ႏပျꩻနယ်ပြဲ့ꩻပြဲ့ꩻစွုံႏစွုံႏထွူ မျန်မာလိတ်လုဲင်ꩻခရာႏဖုံႏတဲင်တွော့ꩻ မျန်မာလိုꩻခွိုꩻပညာႏသျင်ႏသွုန်ႏဖူꩻသꩻကို ယူနီကုဒ်အစွိုးအခြွီယိုဖေႏနေးကအဝ်ႏရိုꩻနုဲင်းနဝ်ꩻတဲင် ဝွေꩻသီးသော့ꩻခါꩻဖေႏဗာႏ အစွိုးအခြွီနုဲင်းနဝ်ꩻသွူ။

မျန်မာလိုꩻခွိုꩻသီးနမ်းကိုယ်ႏတဲင်ႏ မိဉ်ႏတထင်ႏရဝ်းညီꩻဗာႏတဝ်း ပွယ်ꩻအုံကွံယိုနဝ်ꩻ ယိုခါ နီနာꩻမျန်မာခမ်းထီသားသီးအနေႏ အီႏသွုံꩻဗာႏဒျာႏ ခမ်းလင်ပညာႏသျင်ႏသား ဖေႏကျံႏဉာဏ်ႏတွော့ꩻ ကထန်ႏလွဉ်ဒါႏ မျန်မာယူနီကုဒ်အထန်ႏဖုံႏအကျောင်ꩻ ရိုꩻဗာႏနုဲင်းနဝ်ꩻသွူ။

အခေႏခံႏ မျန်မာယူနီကုဒ် Unicode Character Code 3.0 ယိုနဝ်ꩻ ဝင်ꩻသတ်မတ်အွဉ်ႏတီႏခါꩻ ၁၉၉၈ ခုနေင်ႏကာႏသွူ။ ကွဲတွော့ꩻ အတွင်ꩻကာႏလ သမနဝ်ꩻခါနဝ်ꩻ မျန်မာခမ်းထီကို လိုꩻကအီႏထွင်ႏထေဖောႏထန်ႏဒါႏ ယူနီကုဒ်အနမ်းအခြုံသား တခုဲင်ႏလ့ꩻအဝ်ႏဒွိုန်းတဖြာꩻဖြာꩻသွူ။ (၁၉၉၉)ခုနေင်ႏ တွမ်ႏ (၂၀၀၂)ခုနေင်ႏအခါႏလယ်ႏကိုအယံꩻတွင်ꩻ သွုံꩻမျန်မာယူနီကုဒ်ဖေႏကလꩻ လိုꩻကောကကျိုꩻဆောင်ႏဒါႏသားဖုံႏယို လေ့လာထောင်ထွားချာချက်အလꩻ ထီႏမော့ꩻဗာႏဒျာႏကွို့ꩻ Graphite enabled Padauk တဖြာꩻလွုမ်ꩻသွူ။ မျန်မာလိတ်လုဲင်ꩻယို ဝင်ꩻကသတ်မတ်ဖေႏဒါႏ ယူနီကုဒ်ခိန်ႏနဝ်ꩻ ယူနီကုဒ် Consortium အစွိုꩻတန်ကိုနဝ်ꩻ လိုꩻသေလဲပ်ဒါႏလျင်ႏ မျန်မာလိတ်သားလဲ့တအဝ်ႏတဝ်း၊ မျန်မာခမ်းထီကိုလဲ့ လိုꩻကောကသေနာႏစဲင်း Unicode related technologies ခရာႏ တခုဲင်ႏလꩻအဝ်ႏတဝ်းဒွိုန်း တဖြာꩻဖြာꩻတဲင် ယူနီကုဒ်ကရိုꩻနဝ်ꩻ အနုံꩻအဝ်ႏနေ ရီချာဗာႏနေက နုဲင်းနဝ်ꩻအခိန်ႏဒျာႏသွူ။ ဝင်ꩻတဲ့အဝ်ႏဖေႏဒျာႏ ကွဲတွော့ꩻနီတထူႏဒါႏတဝ်း အထွာထိုꩻနုဲင်းနဝ်ꩻသွူ။

တိန်ႏတွိုႏ ၂၀၀၂ခုနေင်ႏ၊ လာဒီသိဉ်ဗာကို ကိုငွေထွန်းတိန်ႏတယ်ႏထွင်ႏဖေႏ မြစေတီ ယူနီကုဒ်စနိစ်နဝ်ꩻမꩻ တိန်ႏတွိုႏ ၂၀၀၂ခိန်ႏနဝ်ꩻ ဝင်ꩻထူႏသွုံꩻစခန်း etrademyanmar.com ကိုသွူ။

သုင်ꩻ မျန်မာယူနီကိုဒ်ခရာႏ ငဝ်းရီ ငဝ်းစေ

• ရီ - မျန်မာယူနီကုတ်ကရိုꩻနဝ်ꩻ ထမုဲင်ꩻ?
  • ဂဏန်ꩻသင်္ချာဆဲင်ႏရာꩻ အခင်ႏခံႏအွဉ်ႏလွေꩻ ၁၆-ကိန်ꩻဂဏန်ꩻ တဲႏ U+1000 ဗꩻ U+109F အနပ်အတွက် ၁၆၀ အကို နမ်းခြောင်ꩻကတင်လွေꩻဖေႏ မျန်မာအက္ခရာႏဖုံႏ သော့ꩻအွဉ်ႏထွော့သေꩻခါꩻ ကိန်းစနစ် တဲႏစ Unicode/ISO 10646 ဗားဆိဉ်း၃နုဲင်းနဝ်ꩻသွူ။ ဗားဆိဉ်း ၆.၃ အကို တဲႏ U+AA60 ဗꩻ U+AA7F ယင်၊ ဗားဆိဉ်း ၇-အကိုနဝ်ꩻ တဲႏ U+A9E0 ဗꩻ U+A9FF ယင် ပျဌာန်းအွဉ်ႏထွော့သေꩻခါꩻလဲဉ်း ဖွော်ဖွော်မွဉ်ꩻမွဉ်ꩻနဝ်ꩻသွူ။ အက္ခရာႏကပါလွဉ်သော့ꩻဒါႏ မျန်မာယူနီကုတ်စနစ်ကိုဖုံႏနဝ်ꩻ မျန်မာ၊ ပါဠိ၊ သက္ကတ၊ မဲင်ꩻ၊ စောက်ꩻ(စကော)၊ စောက်ꩻပိုး(အခဝ်တွို့ꩻ)၊ စောက်ꩻပိုး(အခဝ်ကွဉ်ႏ)၊ ပအိုဝ်ႏ၊ ပလောင်ရူမဲး၊ ဖြဝ်ꩻ၊ ဖြဝ်ꩻခန္တီး၊ စောက်ꩻတနျာႏ၊ ဖြဝ်ꩻပါဠိ၊ တုဲင်ႏလီ-စတဲင် ခမ်းရင်ꩻသား ဘာႏသာႏအက္ခရာႏဖုံႏနဝ်ꩻသွူ။

• ရီ - ပွိုးတမုဲင်ꩻ ဟဝ်သုံꩻတွိုး ယူနီကုတ်ဖေါင့်ဟောင်း?
  • မဉ်ႏသုံꩻဒျာႏ ဖေါင့်တလွောက်ꩻနာႏတဝ်း ယူနီကုတ်စနစ်တဗာႏဗာႏနဝ်ꩻ နာꩻကအဝ်ႏသုံꩻဒါႏဖေါင့်ယို တွမ်ႏပါꩻတဖြာꩻဖြာꩻကသုံꩻဒါႏဖေါင့် စနစ်မဉ်ႏတဗိုန်တဝ်းဒွုမ်နဝ်ꩻ အဆင်ႏတပြေႏတဝ်းမျိုꩻ ကုဲင်းပေါႏလွဉ်ဒါႏ၊ နာꩻဖေါင့်နဝ်ꩻ ထွာလဗဲဉ်လိတ်ဖြုံႏအတန်ရိုꩻလဲ့ အွိုးတဖြာꩻသားထျꩻသူꩻနဝ်ꩻ ထွာတေားဒျာႏ ဖြဝ်ꩻအက္ခရာႏ (ဖှ)နုဲင်းနဝ်ꩻတန်သွူ၊ ကွပ်ပွိုးစွဉ်ႏ ထွာ codepoint တဗာႏချင်ႏနဝ်ꩻ၊ နာꩻမဉ်ႏသုံꩻဒျာႏ ယူနီကုတ်ဖေါင့်စနစ်နဝ်ꩻတဲး ပျဿနာႏနုဲင်းယို တပေါႏနွောင်ꩻတဝ်း၊ ယူနီကုတ်စနစ်ကို ကသုံꩻဒါႏ လ/ရဗဲဉ်နဝ်ꩻ ကွန်ပျူတာအဖြုံႏမုဲင်ꩻမုဲင်ꩻတဲ့ယဝ်း ပေါႏဖေႏဒျာႏ အမဲဉ်ႏအတွိုင်ꩻနဝ်ꩻသွူ။

• ရီ - မဉ်ႏသုံꩻပြောင်ꩻလုဲင်ႏ ယူနီကုတ်နဝ်ꩻ ယံလွိုထဲင်းနုဲင်းမုဲင်ꩻ?
  • ၁။ ပေါင်ꩻလိတ်မွူးထုံꩻအတွိုင်ꩻ ခြပ်လိတ်တွဲႏနျꩻလိတ်လꩻ၊
  • ၂။ ပေါင်ꩻလိတ်ဖြုံႏ အမာႏအတရွို့ꩻဆေ့ꩻထိုꩻအီ၊
  • ၃။ တွဲႏနျꩻလိတ်ဖြုံႏဆင်း ယိုꩻလွဉ်အီ၊
  • ၄။ Facebook လောင်း လိတ်ဖြုံႏမာႏကပေါႏလွဉ်နဝ်ꩻလဲ့ မဲဉ်ႏလွဉ်ချာယင်း၊
  • ၅။ Facebook လောင်း ခမ်းလင်ဘာႏသာႏဖုံႏနဝ်ꩻ ထွားနေးဘာႏသာႏပြန်ႏလဲ့လꩻနွောင်ꩻအီ၊
  • ၆။ Facebook လောင်းတွမ်ႏ Messenger ဖုံႏအကို ဇော်ဂျီလိတ်ဖြုံႏလဲ့ ထီႏနွောင်ꩻပါစွဉ်ႏ အမဲဉ်ႏအတွိုင်ꩻ၊
  • ၇။ ဂူဂွေါးမေပုံ(ဟံႏပုံႏ)အလောင်းလဲ့ ထီႏနွောင်ꩻအီဗာႏ လိတ်ဖြုံႏအမဲဉ်ႏ၊
  • ၈။ တွမ်ႏဂူဂွေါးဓာတ်ပုံႏတဲင် ကတွဲႏသေꩻခါꩻဒါႏ လိတ်ဓာတ်ပုံႏဖုံႏနဝ်ꩻ နျꩻဗာႏတဝ်းဒွုမ် ဘာႏသာႏပြန်ႏတွော့ꩻ အွဉ်ႏထွာလုဲင်ႏလိတ်ဖုဲင် သိမ်ꩻဟဝ်သေꩻခါꩻလꩻ၊
  • ၉။ တွမ်ႏဂူဂွေါဓာတ်ပုံႏတဲင် အဝ်ႏလိပ်စာ(လိတ်လွေꩻ)ကဒ်နဝ်ꩻ ပြောင်ꩻလွေꩻသော့ꩻသွူးစွဉ်ႏ ဟဲ့ꩻဖုန်းလိပ်စာ(လိတ်လွေꩻ)ကိုသူꩻသွူ၊
  • ၁၀။ ကွန်ပျူတာကိုတဲ့သင် ဖုန်းကိုတဲ့သင် တွဲႏလိတ်ခရာႏတလိုႏတဝ်း တွမ်ႏဂူဂွေါးတဲမ်းစူနေးတွော့ꩻ တဲမ်းအီလိတ်လꩻ၊
  • ၁၁။ တွမ်ႏဂူဂွေါးဘာႏသာႏစနစ်တဲင် ပြန်ႏနွောင်ꩻအီ ဘာႏသာႏအမျိုꩻမျိုꩻ၊
  • ၁၂။ သုံꩻအီတွမ်ႏ Voice Tra စနစ်တဲင် ဒေါ့ꩻနေးငဝ်းအမျိုꩻမျိုꩻတဲ့ အဘာႏသာႏပြန်ႏနွောင်ꩻဖေႏ၊
  • ၁၃။ မော်ကား GPS စနစ်ကိုသူꩻ မျန်မာအက္ခရာႏ မဲဉ်ႏလွဉ်ချာအီ၊
  • ၁၄။ ဖုန်းတွမ်ႏကွန်ပျူတာဖုံႏအကို မျန်မာအက္ခရာႏစနစ် အဝ်ႏပါလွဉ်တထွူလဲဉ်းဒျာႏတဲင် ထွဉ်ႏသော့ꩻနေးခရာႏလိုႏတဝ်း၊ ရွဉ်လို့သက်သာႏအီ၊
  • ၁၅။ ဟဲ့ꩻဖုန်းလိတ်စာ(လိတ်လွေꩻ)အကိုနဝ်ꩻ မျန်မာအမဉ်ꩻဖုံႏ အဝ်ႏတထွူအစဲဉ်ႏအတွိုင်ꩻတဲင် ထိုမ်ႏလဲ့ယိုꩻအီ၊
  • ၁၆။ မဉ်ႏထိုမ်ႏဂူဂွေါးလောင်းတဲ့ လိတ်ဖြုံႏမဲဉ်ႏလွဉ်၊
  • ၁၇။ ရိုမ်ꩻကခွုမ်မာꩻဆောင်ႏရွက် သွုပ်ဆွိုက်ဗာႏဒျာႏတွမ်ႏအစိုႏရဖုံႏနဝ်ꩻ အဆင်ႏပြေႏလွဉ်၊
  • ၁၈။ ဟော်ꩻထွားနွောင်ꩻအီ ကမာꩻပွါꩻဖေႏအီဒါႏ ဗဟုသုတ ဝီခီဖီးဒီးယား၊
  • ၁၉။ Facebook လောင်း လိတ်ဖြုံႏကအဝ်ႏထွာဒါႏ အင်္ဂလိပ်နေးယို ဖေႏကထွာမျန်မာနဝ်ꩻ မာꩻလꩻထိုꩻအီ၊
  • ၂၀။ သုံꩻအီ ခမ်းရင်ꩻသား ဘာႏသာႏလိတ်လုဲင်ꩻလဲ့လꩻနွောင်ꩻ၊
  • ၂၁။ ဂူဂွေါးဘာႏသာႏစနစ်အကို တွမ်ႏခမ်းလင်ဘာႏသာႏတဲင် ကတဲမ်းသေꩻခါꩻဒါႏ ဆဲင်းဗုတ်ဖုံႏ၊ လိတ်စောင်ႏဖုံႏ၊ အအံႏအအွꩻလောမ်ဖုံႏနဝ်ꩻ တွဲႏဓာတ်ပုံႏထွူတွော့ꩻ အွဉ်ႏပြန်ႏမန်းဖေႏနေးလꩻ။ (ဒါႏတဝ်း အင်္ဂလိပ်တဲ့ယဝ်း သေနာႏမန်းနေးလꩻစွဉ်ႏ၊ ဘာႏသာႏလင်ဖုံႏလဲ့ အဝ်ႏပါနေကဒွိုန်းအာတန်နဝ်ꩻသွူ။)

• ရီ - ဖေါင့်အမျိုꩻမုဲင်ꩻနဝ်ꩻ လွောက်ꩻနာႏယူနီကုတ်စနစ်ဟောင်း?
  • လွောက်ꩻတွမ်ႏယူနီကုတ်စနစ်တဲင် ကထေသေꩻခါꩻဒါႏဖေါင့်ဖုံႏ အဝ်ႏအာတန်ဒျာႏ၊ သုံꩻဖေါင့်တလို့တဝ်းအငိုꩻစား ယင်ဟန်ႏဖုံႏနဝ်ꩻ Myanmar3, Padouk, Parabike, Masterpiece, Win Uni Innwa, Thalon, MyMyanmar တွမ်ႏ Pyidaungsu ဖေါင့်နုဲင်းနဝ်ꩻဖုံႏသွူ။

• ရီ - ဖေါင့်ထီႏနီမျိုꩻကရိုꩻနဝ်ꩻ ထမုဲင်ꩻ? သုံꩻဗာႏနုဲင်းမုဲင်ꩻ?
  • ဖေါင့်ထီႏနီမျိုꩻကရိုꩻနဝ်ꩻ တဲမ်းနွောင်ꩻ/ဟော်ꩻထွားနွောင်ꩻအီ တွမ်ႏယူနီကုတ်စနစ်အတွိုင်ꩻလွုမ်ꩻတကာႏတဝ်း လိတ်ကတဲမ်းသေꩻခါꩻတွမ်ႏ ဇော်ဂျီစနစ်ဖုံႏနဝ်ꩻလဲ့ ရျာꩻခေါင်ꩻ ၈၀%ရပ် ကဟော်ꩻထွားသေနာႏနွောင်ꩻအီဒါႏ ဖေါင့်မျိုꩻစားနဝ်ꩻသွူ။ ကွဲႏတွော့ꩻ ကတဲမ်းခိန်ႏနဝ်ꩻ မဉ်ႏတဲမ်းအီဒျာႏတွမ်ႏယူနီကုတ်စူကွက်ꩻမꩻ ထွာအတဲမ်းမဲဉ်ႏ၊ ယံကသုံꩻလုဲင်ႏတေား ယူနီကုတ်စနစ်အတာႏ ဖေႏကထွာနွန်ႏအာႏတမျိုꩻ ထေသေꩻခါꩻဖေႏနဝ်ꩻသွူ။

• ရီ - မဉ်ႏအဝ်ႏသုံꩻစွူစွူဗော့ꩻ ဇော်ဂျီနဝ်ꩻ အီႏထွာလွဉ်နုဲင်းမုဲင်ꩻဖုံႏအီ?
  • သုံꩻခမ်းရင်ꩻသားဘာႏသာႏဖုံႏ လꩻတဝ်းဒွုမ်၊ ဂူဂွေါးမေပုံ(ဟံႏပုံႏ)၊ ဂူဂွေါးဘာႏသာႏပြန်ႏစနစ်၊ Facebook စတဲင်လောင်းဖုံႏနဝ်ꩻ လိတ်မန်းယို အီႏတထီႏဗာႏတဝ်းဒွုမ်အမဲဉ်ႏ၊ သွူတကာႏတဝ်း ကွန်ပျူတာကို မဉ်ႏမာꩻထိုတသွောင်းလွေꩻ ဘာႏသာႏဗေဒ၊ ဘာႏသာႏငဝ်းဆဲင်ႏရာꩻအဝ်ႏလꩻငါႏသွူလဲ့ မာꩻသွုပ်နွောင်ꩻတဝ်းဒွုမ်တွော့ꩻ ထွာအီစွဉ်ႏ လိုꩻမုꩻစီꩻပွါꩻ ဘဝပြွူႏဖြိုရေꩻသီး အရဲးအပါႏနဝ်ꩻသွူ။

• ရီ - ဇော်ဂျီယို မွဉ်းဖျင်ဒင်ႏထိုလွေꩻလုဲင်ႏ Unicode အရန်းနဝ်ꩻ လꩻတဝ်းနဲ့?
  • လꩻဒျာႏ၊ ယိုသွူသနယ် နီကအဝ်ႏဖေႏကျံႏဉာဏ်ႏလွေꩻဒါႏ အချက်နဝ်ꩻ။

• ရီ - ဖေႏနေးကသုံꩻလꩻယိုꩻယိုꩻ Unicode နဝ်ꩻ မာꩻဖေႏနွောင်ꩻတဝ်းနဲ့?
  • ငဝ်းရီယိုနဝ်ꩻ အမာႏတန်၊ Unicode ကရိုꩻနဝ်ꩻ ဖေါင့်တဲ့ တမွေးတဝ်း၊ (တွဲႏနျꩻအီ)စူကွက်ꩻတဲ့ တမွေးတဝ်း၊ အွဉ်ႏထွော့သေꩻခါꩻ ကေားသုံꩻသားကအဝ်ႏထီႏဒါႏ ပုံႏယောင်ꩻဖုံႏ၊ စူကွက်ꩻစတဲင်ဖုံႏ တမွေးတဝ်းသွူ၊ အွဉ်ႏထွော့သေꩻခါꩻဒျာႏ အွဉ်ႏသိမ်ꩻသေꩻအက္ခရာႏစနစ် အွဉ်ႏစဲဉ်ႏချာငါလို့ဝင်ꩻနုဲင်းမုဲင်ꩻကရိုꩻဒါႏ အချက်နုဲင်းနဝ်ꩻဒျာႏသွူ၊ ကေားသုံꩻသား မဉ်ႏတွဲႏနျꩻနုဲင်းမုဲင်ꩻတွဲႏနျꩻ အွဉ်ႏနယ်ချာဖေႏဗာႏနုဲင်းမုဲင်ꩻကရိုꩻနဝ်ꩻတဲးတဲ့ အခန်ꩻအထွော့တအွဉ်ႏတဝ်းသွူ။

• ရီ - အပြောင်ꩻအလုဲင်ႏတန်ယို ဖေႏကအောင်ႏအီအတာႏ အဝ်ႏလိုႏခိꩻတမုဲင်ꩻဖုံႏဟောင်း?
  • အတိတ်ယို အွဉ်ႏကုဲင်သေꩻခါꩻခန်း အတိတ်ကိုထွူတဲင် အဝ်ႏလိုႏလွေꩻငါလွုမ်ꩻ၊ အွဉ်ႏကဝ်ႏထွန်ႏတလီးထွူတွော့ꩻ အဝ်ႏလိုႏလွေꩻသွိုသွိုဝင်ꩻနဝ်ꩻလွုမ်ꩻသွူ။

Unicode ကရိုꩻနဝ်ꩻ ထမုဲင်ꩻ? ကွပ်ပွိုးတမုဲင်ꩻကရိုꩻနဝ်ꩻ နေးတွမ်ႏထာꩻဆင်ႏခြင်ႏတရာꩻတဲင် အဝ်ႏလိုႏထာꩻသေနာႏ၊ အဝ်ႏလိုႏစွဲးကမ်းကိုဖေႏငါႏ ကေားသုံꩻသားဖုံႏအလောင်းနဝ်ꩻသွူ။

အဆုဲင်ꩻသွတ်ꩻ အရေꩻကတန်ငါႏအချက်နဝ်ꩻ ကအီႏလွေꩻငါအီ ယံဖေႏနေးကတွိုႏခြောင်ꩻနဝ်ꩻ အဝ်ႏလိုႏငါႏ ကဖန်းဖြယ်ခွုမ်မာꩻနွောင်ꩻအခွင်ꩻဖုံႏနဝ်ꩻသွူ။