ရတနာႏသွံပါꩻ ပူႏဇော်ႏဗာႏ အကျိုꩻ

ဟန်ႏသနီꩻ ဖရာꩻတကာႏ သီးလမ်းကို ပူႏဇော်ႏလွေꩻ ဗွေႏမျတ်ဖရာꩻရုတ်ထုတောႏ တဲင် ထွာမာꩻလွေꩻကုသိုလ်ႏအဟ​ဝ်စား ရိုꩻဗာႏနဲင်းနဝ်ꩻသွူ၊ ကွပ်နဝ်ꩻမတဲင် လမ်ႏကိုနီကအေဝ်ႏပူႏဇော်ႏဒါႏ ဗွေႏမြတ်ဖꩻရာꩻရုတ်ထုတောႏယိုဖုံႏနဝ်ꩻ ပူႏဇော်ႏဗာႏအနယ်ꩻမုဲင်ꩻကရိုꩻနဝ်ꩻအေဝ်ႏလိုႏသေနေနေသွူ၊ နဝ်ꩻမတဲင် ဟန်ႏသနီꩻယို တကာႏသီးနေတွမ်ႏ စေႏတနာႏသွံပါꩻ အွဉ်ႏအထျတဲင် ဒင်ႏလူႏပူႏဇော်ႏလွေꩻ ဗုဒ္ဓါ ဘိသေက အနေကဇာႏ ပွယ်ꩻအလူႏရိုꩻဗာႏနဲင်းနဝ်ꩻသွူ။ နဝ်ꩻမတဲင် လမ်ႏကိုနီကအေဝ်ႏပူႏဇော်ႏဒါႏ ဗွေႏမြတ်ဖꩻရာꩻ ရုတ်ထုတောႏယို ဟန်ႏသနီꩻ လမ်ႏကို အတွိုႏလွꩻဒါႏတကာႏသီးစွုမ်ႏဖြာꩻ ယဖြာꩻဖြာꩻသားနဝ်ꩻ ထင်ႏဒျာႏ သွင်ꩻဖေႏ ဗွေႏမျတ်ဖရာꩻ အသက် နဲင်းနဝ်ꩻတဲ့ꩻအေဝ်ႏနေနေသွူ၊ အမွေးမဲဉ်ႏတဗာႏနဝ်ꩻ ဗွေႏမျတ်ဖရာꩻ ရုတ်ထုတောႏယိုနဝ်ꩻ ဒင်ႏဖေႏအနေႏကဇာႏတဲ့နဝ်ꩻ တဒင်ႏဗာႏတဝ်း အနေႏကဇာႏတဲ့ꩻနဝ်ꩻ ဟောဝ်ပူႏဇော်ႏထွိုက်သင်ꩻဒျာႏသွူ။

မဉ်ႏပူႏဇော်ႏ ဗွေႏမျတ်ဖရာႏ ရုတ်ထုတောႏနဝ်ꩻ ရေႏမတ်လွေꩻဒျာႏ ဗွေႏမျတ်ဖရာꩻ သက်တော်ႏအောဝ်ႏမွန်ကျာꩻ သက်တောႏထင်ႏသျာꩻနေကခိန်ႏ တဲင် မဲဉ်ႏပူႏဇော်ႏဗာႏနဝ်ꩻ အကျိုꩻတရာꩻ တန်ထွိုက်ငါႏသွူ၊

အာမိသပူဇာ၊ ဓမ္မပူဇာ အောဝ်ႏနီပါꩻသွူ၊

ကဒင်ႏပူႏဇော်ႏဗာႏ ဗွေႏမျတ်ဖရာꩻ အနေႏကဇာႏ နုဲင်းယိုနဝ်ꩻ တွမ်ႏကပူႏဇော်ႏဒျာႏ အာမိသပူဇာ၊ တွမ်ႏ ဓမ္မပူဇာ နဝ်ꩻဗွန်ပီဝင်ꩻသွူ၊ နီမဉ်ႏပူႏဇော်ႏတွမ်ႏ အလူႏဇာႏ ၊ ဗွေႏမျတ်ဖရာꩻသင်္ကန်ꩻ၊ ဒဲဉ်သွမ်ꩻ၊ ကောဝ်ႏ၊ ထီလိုမ်ꩻ ထီခွꩻ ၊ ဖယောင်ꩻတဲင်ႏ၊ နံႏသာႏ၊ စတွမ်ႏ အလူႏဇာႏ နဲင်းယိုနဝ်ꩻဟဲ့ꩻ လွေꩻပူႏဇော်ႏနေႏတွမ်ႏ အာမိဿ ပူဇာ၊ ရိုꩻဗာႏနဲင်ႏနဝ်ႏသွူ။

ဗွေႏမျတ်ဖꩻရာꩻ ကဟော်ခါꩻဒါꩻတရာꩻတောႏဖုံႏယို နေႏတွမ်ႏ နားနာႏ တရာꩻယာႏဖုံႏယို ပင်ꩻပူႏဇော်ႏ ရွစ်အွံဗာႏ ဗွေႏမျတ်ဖꩻရာꩻ တရာꩻဖုံႏယိုနဝ်ꩻ ဟဲ့ꩻ ပူႏဇော်ႏတွမ်ႏ ဓမ္မပူႏဇာႏ ရိုꩻဗာႏနဲင်ႏနဝ်ꩻသွူ။

ကရွစ်ပူႏဇော်ႏဗာႏ − အနေကဇာတိ သံသာရံ ကထာႏပုဒ်ယိုနဝ်ꩻ ဗွေႏမြတ်ဘုရာꩻ သစ်စငါထွာ ဘုရာꩻတဲင် သꩻရေꩻငါႏ တဲင် ပီတိထွာမွေးစွဉ်ႏနဝ်ꩻမꩻ ဟွိုင်အာႏရကေႏနပ်မွေးချာငါႏတဲင် ထာဖြားဒုက္ခ၊ ထာꩻဆာ ဒုက္ခ ၊ ထာသီ ဒုက္ခဖုံႏယိုနဝ်ꩻလွစ်ကင်ꩻလဲဉ်းတဲင်၊ သရေꩻငါႏနဝ်ꩻမꩻ သရေꩻငါႏ ကထာႏ ယိုဗွေႏမျတ်ဘုရာꩻ နမ်ႏကိုယ်ႏတဲင်း ရွတ်ဖတ်ပူႏဇောႏချာဒျာႏ နဝ်ꩻသွူ။

ကရွစ်ပူႏဇော်ႏဗာႏ − အနေကဇာတိသံသာရံ ဂါႏထာႏနဝ်ꩻ ထွာ မနသာ ဥဒါန်ႏ သွူ၊ အောဝ်ႏနဝ်ꩻတွော့ꩻ ကရွစ်ပူႏဇော်ႏထဲင်းယင်းဒါႏ အနုလုံ ပဋိလုံ ယဒါဟဝေ − သွံဂါႏထာႏ ဖုံႏယိုနဝ်ꩻ ဗွေႏမျတ်ဘုရာꩻ ကထွာဖꩻရာꩻထွူ ပီတိသောမနဿ ထွာငါႏ သရေꩻငါႏတဲင် ဗွေႏမြတ်ဘုရာꩻ နမ်ႏကိုယ်ႏတဲင်ႏ ရွစ်ဖတ်ပူႏဇော်ႏဗာႏဒျာႏသွူ၊ ကရွစ်ဖတ်ပူႏဇော်ႏဗာႏနဲင်ႏယိုဖုံႏနဝ်ꩻ ထွာဒျာႏ ၊ ဝစသာဥဒါန်ႏ၊ မနသာဒါန်း၊ နုဲင်းနဝ်ꩻဖုံႏသွူတဲင် ထွာပူႏဇောႏနေးတွမ်ႏ ဓမ္မပူႏဇာႏ နုဲင်းနဝ်ꩻသွူ။

ဘုရာꩻသွံဆူႏတွမ်ႏ ပူႏဇော်ႏနယ်ꩻ

ပူႏဇော်ႏ ဗွေႏမျတ်ဘုရာꩻပုံႏတောႏ ၊

ပူႏဇော်ႏ ဗွေႏမျတ်ဘုရာꩻ ဂုဏ်ႏတောႏ၊

ပူႏဇော်ႏ ဗွေႏမျတ်ဘုရာꩻ ဉာဏ်ႏတောႏ၊ အ​ဝ်ႏသွံနယ်ꩻ နုဲင်းနဝ်ꩻသွူ၊

နဝ်ꩻမꩻတဲင် လမ်းကိုနီကအောဝ်ႏပူႏဇော်ႏဗာႏ ဗွေႏမျတ်ဘုရာꩻ ရုတ်ထုတောႏဖုံႏ၊ ကျောင်ꩻကို ကန်ႏကို၊ ကောင်လောင်းစေႏတီဖုံႏ၊ နီကအ​ဝ်ႏပူႏဇော်ꩻလွꩻဒျာႏ ရုတ်ထုတောႏ၊ ဓာတ်ပုံႏတောႏဖုံႏယိုနဝ်ꩻ ထွာပူႏဇော်ႏလွေꩻ ပုံႏတောႏ ပူႏဇော်ႏ ရိုꩻဗာႏနဲင်ႏနဝ်ꩻသွူ။