ဝိဋဋူဘ
"ဝိဋဋူဘ"
"ဂါႏထာႏ ၄၇။ ပြန်ႏပအိုဝ်ႏခြေင်ခြေင်"
အောဝ်ႏဗေင်ႏတငွို့ထာꩻတွင်ꩻ ခွန်နင်ꩻသတ္တဝါႏယို သမုဒ္ဒရာႏထီတန်နဝ်ꩻ အီဖါႏထူႏပါ အီခြွဉ်ႏငါလွေꩻမပ်မပ်စွဉ်ႏ၊ ဗွန်ပီနုဲင်းနဝ်ꩻနေနေ၊ တဲက်တွိုင်ꩻကောဝ်ႏပွုံႏ ငတ်ꩻအာႏရွုံႏဖုံႏယို အဝ်ႏသွူမဲဉ်လꩻ သꩻကမင်ႏငါငါထဲင်းဒါႏ သတ္တဝါႏခွန်နင်ꩻယို အောဝ်ႏလွိုက်ထူႏတငွို့ (အာႏရွုံႏငတ်ꩻပါꩻ)တွင်ꩻ ခွန်သီမရဏနဝ်ꩻ လွဉ်သွို့ꩻထဲ့အသꩻ ထူႏယꩻထွူခါ ထွို့ꩻတရွစ်ꩻငါ ပသာလွေꩻမပ်မပ်စွဉ်ႏ အပါယ်ႏလစ်ꩻရပ်သူꩻသွူ။
"လꩻဗဟုသုတ၊ လꩻအီသတိꩻနုဲင်းယို" ဟော်ꩻထွားသွည်ဗာႏ ဝိဋဋူဘဝတ္ထုယိုနဝ်ꩻ- ၁။ ပေါက်ꩻကွိုက်ꩻ ဆဲက်ဆန်ႏရေꩻအကို အဆင်းအရန်းယို ဟဝ်ခွယ်ꩻတဝ်း၊ တဖြာꩻတွမ်ႏတဖြာꩻ ဟဝ်ထီႏဖွီတဝ်းလို့ဝင်ꩻ၊ ဟဝ်ထင်းဖွီတဝ်းလို့ဝင်ꩻ၊ ပေါႏထီႏဖွီဝင်ꩻနဝ်ꩻ ဆုဲင်ꩻချာကာႏလ မော့ꩻဒါႏဒုက္ခအကျောင်ꩻ၊
၂။ တဖြာꩻတွမ်ႏတဖြာꩻ ဟဝ်လိန်ႏလဲဉ်တဝ်းလို့ဝင်ꩻ၊ ပျဿနာႏထွာသန်ဒါႏ၊ တရေင်လွဉ်ꩻဗာႏ၊ ခိုးလျားလွဉ်ꩻဗာႏ၊ ခံႏဗာႏချာဒုက္ခအကျောင်ꩻ၊
၃။ ဟောဝ်အံႏတဝ်းလာဘ်၊ အဝ်ႏလိုႏဆွုံꩻဖျတ်ဖေႏမဲဉ်ႏမဲဉ်ႏ၊ ဒေါ့ꩻဖြဝ်ႏခွုမ်မာꩻ တရာꩻမဲဉ်ႏမဲဉ်ႏနဝ်ꩻ ဝင်ꩻအမျာꩻအာႏကွိုꩻ၊ ဝင်ꩻအမျာꩻရိုႏသေႏအကျောင်ꩻ၊
၄။ ဝင်ꩻဒေါ့ꩻတွိုင်ꩻ၊ ဝင်ꩻလွဉ်တွိုင်ႏတွိုင်ꩻ ဟဝ်ယွုမ်းတဝ်း၊ အဝ်ႏလိုႏရီထျꩻရီနာ၊ အဝ်ႏလိုႏထုမ်ႏပါ သက်သေႏသက်ကန်ႏ၊ အဝ်ႏလိုႏအုံပွေါးဗꩻဗꩻစွဉ်ႏ အဖြေႏမဲဉ်ႏကထန်ႏလွဉ် အခိန်ႏသူꩻ အကျောင်ꩻ၊
၅။ မဉ်ခြုဲင်းတဝ်းခင်ႏလမ်း၊ ငမ်းအရာႏထဲ့တဲင် လိုꩻမဲဉ်ႏလိုꩻယံ၊ လိုꩻတန်တဖြာꩻ ပေါႏပြဲဉ်တဲ့မာꩻသီ၊ ပြဲဉ်ဝင်ꩻနီမာꩻဝွစ်၊ အံႏပွစ်တွိုင်ꩻဖေႏကဖုဲင်ႏ၊ လုဲင်ႏအကွက်ဖေႏကလꩻ ခꩻသီတိတ်ꩻတိတ်ꩻ၊ ဆွမ်ꩻတိတ်ꩻတိတ်ꩻ၊ နိစ္စက်တိတ်ꩻတိတ်ꩻ-ပေါႏမဉ်ႏမာꩻနုဲင်းနဝ်ꩻနဝ်ꩻ လိုꩻအမျာꩻ ကအာႏကွိုꩻလꩻလꩻ လိုꩻဟဝ်စဲစ်မန်ႏ လိုꩻအငိုꩻတန်ႏဖုံႏ သီပြုံႏထိုꩻလို့တွော့ꩻ အစစအရာႏရာႏ သွုမ်ꩻတောဝ်နစ်နာႏငါႏအကျောင်ꩻ၊
၆။ ထေအဟိတ်ခꩻ၊ ပျꩻအာႏဏာႏ မာꩻသီဝင်ꩻတဲ့ နိယာမဝိပါကဝဋ် ပြောင်ꩻပြွတ်လုဲင်ႏချာ ဝွေꩻတဲ့ သီဗာႏယင်းဒျာႏနေနေအကျောင်ꩻ၊
၇။ စွိုးခွိုꩻအန္တရာယ်ႏယို အတတ်နွိုင်ႏသွတ်ꩻ အဝ်ႏလိုႏကာႏကွဲႏရဲခါꩻဖေႏ၊ ထပေႏယူးဝွး ကားတဲင်ဝင်ꩻအသက်နဝ်ꩻ ဟဝ်မာꩻသီတဝ်း၊ ဝိပါကဝဋ်ကံႏ မဉ်ႏခံႏဗာႏချာသူꩻနဝ်ꩻ ဗွေႏဘုရာꩻခန်းတဲ့ ရဲးခါꩻကာႏကွဲႏဖေႏ တလꩻနွောင်ꩻတဝ်း "နီအွဉ်ႏဗွိုတ်ꩻဝင်ꩻအေႏသဲင်၊ ဝင်ꩻအွဉ်ႏဆဲင်နီအေႏစဝ်ႏ၊ နီအွဉ်ႏစွဉ်ꩻဝင်ꩻကတူႏ ဝင်ꩻအွဉ်ႏပူႏနီကတောင်၊ နီဆဲ့ꩻဝင်ꩻရွို့ ဝင်ꩻဆွို့နီဟို့ꩻ၊ နီခꩻဝင်ꩻတွမ်ႏတနတ် ဝင်ꩻသတ်နီ တွမ်ႏမော်ထာ"ဘဝဝဋ်တံႏ ခံႏချာဗာႏအကျောင်ꩻ-စတဲင်နုဲင်းနဝ်ꩻ အကျောင်ꩻ သေထွꩻ၊ လꩻအီသတိꩻ အာတန်နဝ်ꩻသွူ။[၁][၂][၃]