သွꩻဟောဝ် ဆီပါꩻ

သွꩻဟောဝ် ဆီပါꩻကရိုꩻနောဝ်ꩻ-

1. ဗုဒ္ဓ - သဗ္ဗညုတ ဗွေႏဘုရာꩻ
2. ပစ္စေကဗုဒ္ဓါ - ပစ္စေကဗုဒ္ဓါ ဘုရာꩻပေႏဖုံႏရာ
3. အဂ္ဂသာဝက၊ မဟာသာဝက - ဗွေႏဘုရာꩻ တပည့်သာဝကဖုံႏ
4. ရဟန္တာႏ - အာသဝေါ ကလို့သွတ်ꩻကြောင်းထိုꩻလဲန်းဒါႏ ဗွေႏမျတ်ရဟန္တာႏသီးဖုံႏ
5. မာတာ - မွိုးဗွေႏ
6. ပီတု - ဖာဗွေႏ
7. အာစရိယ - ဆရာႏ
8. ဝုဒ္ဓါ - သီလဂုဏ်ႏ၊ သမာဓိဂုဏ်ႏ၊ ပညာဂုဏ်ႏဖုံႏ ကဗွေစုမ်ႏဒါႏ ပုဂ္ဂိုလ်ႏ၊ ရဟန်ꩻပုဂ္ဂိုလ်၊ အရိယာပုဂ္ဂိုလ်၊ လိုသေထဲင်းနီ လိုꩻသက်တန်သားဖုံႏ
9. ဓမ္မကထိက - ဆရာႏ၊ မော် (ဆရာႏ ကခြုဲင်းဒေါ့ꩻနယ်ဖေႏ ဓမ္မ သားဖုံႏ)
10. ဟိတကရ - ကဖေႏအမ်ႏဖိုနီ ဒဲန်တငွါ၊ ကဖေႏအွꩻဖိုနီ ထီတကြွောက်ꩻ၊ တွမ်ႏနမ်း သꩻ ဖြောင်း ကမာꩻဟောဝ်ꩻ ဒေါ့ꩻနယ်ဟောဝ်ဖေႏဖိုနီသားဖုံႏရာနောဝ်ꩻသွူ။

လိတ်ကန်ႏတော့ သွꩻဟောဝ် ဆီပါꩻ

ဗုဒ္ဓါ ပစ္စေကဗုဒ္ဓေါစ၊ အရဟာ အဂ္ဂသာ၀ကာ။ မာတာပိတု ဂုရုသတ္တာ၊ ဓမ္မဒေသကာ စဒါယကာ။ ဣမေ ဒဿ မဟာဂုဏေ၊ အဟံဝန္ဒာမိ သဗ္ဗဒါ။ ။

ဩစောဝ်း ဩဗွေႏ ခွေသွောန်းယို စ သံသရာႏကို တွိုႏဟန်ႏနီꩻ၊ ခွိုင်းကားထွာငီꩻ သေလွောန်ꩻတောဝ်း၊ နမ်းသꩻတွမ်ႏငေါဝ်း မဉ်ႏအောဝ်ႏခမ်

• ဂုဏ်ႏကေꩻဇူꩻတန် ဗွေႏဘုရာꩻလောင်း
• ဂုဏ်ႏကေꩻဇူꩻသွောင်း ပစ္စေကဗုဒ္ဓါ
• ဂုဏ်ႏကေꩻဇူꩻအာ ဘုရာꩻလိုꩻ၊ အဂ္ဂသာဝက ကရိုꩻ ဘုရာꩻသွꩻ၊ မဟာသဝကအထျꩻ ရဟန္တာႏ
• မွိုးဒျာႏ မာတာ လွူးဖွာꩻဖေႏ
• ပိတု ဖာဗွေႏ လွူးတန်ကီ
• ကသွောန်ဖေႏနီ ဗွေႏဆရာႏ
• ကအွောန်ႏနယ်နီတာႏ သီလသား၊ ကဒေါ့ꩻဖေႏနီတာႏ ပညာႏဗွေႏ၊ ကဟောဝ်ရိုႏသေႏ ရဟန်ꩻစောဝ်း၊ ကဟောဝ်နာႏငေါဝ်း လိုꩻပုဂ္ဂိုလ်ႏ
• တရာꩻဓမ္မ ကအောဝ်ႏဗွို့ꩻ၊ လိတ်လုဲင်ꩻတဲ့စွို့ꩻ ကထိက၊ ဟွိုႏဖေႏ ဓမ္မ မော်လဲ့ပါ
• ဒဲန်နောဝ်ꩻ တငွါ၊ ထီတအွꩻ ကဖေႏတွမ်ႏသꩻ စေႏတနာႏ၊

ယိုတဲ့ပါဒျာႏ သွꩻဟောဝ်ကို လို့လို့ ကီယို ဆီပါꩻလောင်း ၊ ကာယ နမ်းခွေါင်း မာꩻလော်လယ်၊ ဝစီႏ ကွင်ကယ် ဒေါ့ꩻယူးပက်၊ ယင်းသꩻမနောꩻ ယူႏဗွန်ႏဗန်ႏ၊ တွမ်ႏကံႏ ၃ ပါꩻကြူကြာရောꩻ၊ ပဲစ်မာႏသဘောꩻ မဉ်ႏအောဝ်ႏဗူႏ၊ ယမ်ဖေႏကဟူႏ ထဲ့ထိုꩻမား၊ ယမ်ဖေႏကစွို့ꩻ ရဲန်ꩻနမ်းအီ၊ စူနုံတဆီ ဒင်ႏကတူႏ သွောန်းသီႏဝုဲင်ႏထူႏဒျာႏဗွေႏဩ။

ကမာꩻထာꩻမာꩻဟဲ့ꩻဖေႏကံႏ၊ ကထွာထာꩻနောဝ်ꩻ စေႏတနာႏ၊ ကဝုဲင်ႏထူႏဗာႏအကျိုꩻနောဝ်ꩻ ရေားဂါႏထာꩻဆာ ကားကအောဝ်ႏ၊ ဘေꩻရန်ႏ ယူးပက် ထာꩻကယား၊ လို့လို့ထိုꩻမား ယမ်ကကင်ꩻ၊ နောဝ်ꩻမဉ်ႏထွူလင်ꩻ ထီႏသေဗာႏ၊ သစ္စာႏ လစ်ꩻပါꩻတရာꩻခြွီ၊ ဖျော်တွိုႏဒါႏအီ နိဗ္ဗာန်ႏခမ်း။

လောကီမင်္ဂလာႏ ထာꩻမဉ်လꩻ၊ လောက ထာꩻသေ အစားစား၊ ယမ်ဗွေ ခွသꩻအီဗာႏဩ။