အနာႏထပိဏ်ႏသဌေꩻတန်

"အနာႏထပိဏ်ႏသဌေꩻတန်ဝတ္ထု"

၁၁၉။ ဂါႏထာႏပြန်ႏပအိုဝ်ႏခြေင်ခြေင်- ထာꩻတဟောဝ်တဝ်း အကုသိုလ်ႏနဝ်ꩻ အကျိုꩻလꩻဖေႏတဝ်းဒွိုန်း၊ အကုသိုလ်ႏအကျိုꩻ လꩻဖေႏဒွိုန်းတွင်ꩻနဝ်ꩻ ပါꩻကမာꩻ ထာꩻတဟောဝ်တဝ်း အကုသိုလ်ႏသားနဝ်ꩻတဲ့ ထီႏဒျာႏအရော့ꩻ မော့ꩻနေကအဟောဝ်၊ ထာꩻတဟောဝ်တဝ်း အကုသိုလ်ႏနဝ်ꩻ ပေါႏအကျိုꩻဖေႏသွူ တွိုႏအချိန်ႏနောဝ်ꩻနဝ်ꩻ ပါꩻကမာꩻထာꩻတဟောဝ်တဝ်း အကုသိုလ်ႏသားနဝ်ꩻ ထီႏသွူအတဗော့ꩻ မော့ꩻသွူအကုသိုလ်ႏကျိုꩻ အခိုးအလျား ဒုက္ခမျိုꩻနောဝ်ꩻသွူ။

၁၂၀။ ဂါႏထာႏပြန်ႏပအိုဝ်ႏခြေင်ခြေင်- ထာꩻဟဝ်ကုသိုလ်ႏနဝ်ꩻ အကျိုꩻလꩻဖေႏတဝ်းဒွိုန်း၊ ကုသိုလ်ႏအကျိုꩻ လꩻဖေႏတဝ်းဒွိုန်းတွင်ꩻနဝ်ꩻ ပါꩻကမာꩻထာꩻဟောဝ် ကုသိုလ်ႏသားနဝ်ꩻတဲ့ ထီႏဒါႏအတဗော့ꩻ မော့ꩻဒါႏအခိုးအလျား၊ ထာꩻဟောဝ်ကုသိုလ်ႏနဝ်ꩻ ပေါႏအကျိုꩻဖေႏသွူ တွိုႏအချိန်ႏနဝ်ꩻနဝ်ꩻ ပါꩻကမာꩻထာꩻဟောဝ် ကုသိုလ်ႏသားနဝ်ꩻ ထီႏသွူအရော့ꩻ မော့ꩻသွူကုသိုလ်ႏကျိုꩻ အရောင်းအရျူႏ ချမ်ꩻသာႏမျိုꩻနောဝ်ꩻသွူ။

ဟော်ꩻထွားသွဉ်ဗာႏ "အနာႏထပိဏ်ႏသဌေꩻတန်"ဝတ္ထုယိုတဲင် "လꩻဗဟုသုတ၊ လꩻသတိꩻနုဲင်းယို"

၁။ အဝ်ႏခြွေခြွေတဲ့ ကေန်ꩻစွော့ꩻထိုꩻဒါႏ-

၂။ ကမဉ်လူႏထာꩻသားနဝ်ꩻ မဉ်ကေန်ꩻကေန်ꩻ၊ မဉ်ခြောခြော ကနွောင်ꩻရာꩻ လူႏစွူစွူဒျာႏ-

၃။ လိုꩻမွိုက် သူႏသေတဝ်းထာꩻသားနဝ်ꩻ မာꩻဒါႏန-လူႏထာꩻနဝ်ꩻ ယူႏတောဒျာႏ ယားကုဲင်ထိုꩻတခြိုꩻ-

၄။ လိုꩻမာꩻကုသိုလ်ႏ လိုꩻဟောဝ်လိုꩻဒါႏနဝ်ꩻ လူꩻသီးငမ်းဗာႏ-

၅။ ခါးလား အကုသိုလ်ႏကျိုꩻကဖေႏနောဝ်ꩻ ချမ်ꩻသာႏတဲ့ အကုသိုလ်ႏကျိုꩻကထင်ႏဖေႏနဝ်ꩻ မော့ꩻဗာႏဒုက္ခ-

၆။ ခါးလား ကုသိုလ်ႏကျိုꩻကဖေႏနဝ်ꩻ ဒုက္ခတဲ့ ကုသိုလ်ႏကျိုꩻကထင်ႏဖေႏနဝ်ꩻ ချမ်ꩻသာႏယင်းဒျာႏ-

၇။ "ထာꩻလူႏ"ကရိုꩻနဝ်ꩻ "ဆေ့ꩻငါႏအဲဉ်ထောဝ်း"ဗွေႏစောဝ်းဘုရာꩻဟော်ꩻ-စတဲင်နုဲင်းနဝ်ꩻ သေထွꩻ လꩻအီသတိꩻအာတန်သွူ။