ဦးသန့်
မဟာသရေစည်သူ ဦးသန့် (အိန်းကလေတ်: U Thant) (၂၂ ဇန်နဝါရီ ၁၉၀၉ − ၂၅ နိုဝဲင်ဗာလာ ၁၉၇၄) "ဦးတန့်"နဝ်ꩻ ထွာဒျာႏ ကမ္ဘာႏကုသသမဂ္ဂ တတိယလဲင်ႏ အစွိုးစွိုးအဒဝ်ႏဒဝ်ႏ အွဉ်အကိုရေꩻချုတ် (အထွေထွေအတွင်းရေးမှူးချုပ်) တဖြာꩻသွူ၊ ဝွေꩻထူႏတာႏဝွန်ႏဒါႏ တာႏဝွန်ႏနဝ်ꩻ တယ်ႏစလွေꩻ ၁၉၆၁ - ဗꩻတွိုႏလွေꩻ ၁၉၇၁ ဗာႏသွူ၊ အွဉ်အကိုရေꩻဝွန်ႏတန် ဒုတိလဲင်ႏဖြာꩻ ကထွာဒါႏ ဒက်ဟမ်းမားရှိုးနဝ်ꩻ ၁၉၆၁ နေင်ႏ သဲတ်တဲဉ်ဗာလာကို တယ်ႏစွဉ်ႏသင်ဘော်ꩻကွင်ႏ ကထဲ့ꩻနဝ်ꩻ သီမားကုဲင်ထိုꩻတဲင် ဝွေꩻခြောင်ꩻယို လွိုက်ဒင်ႏထဲင်း ဥရောပ ခမ်းသားလိုꩻမျိုꩻ မွေးတောဝ်းဒုမ်တဲင် အာသျလိုꩻမျိုꩻသားအကို ဦးသန့်ယို ထွာထိုꩻစွဉ်ႏ အရီးသွတ်ꩻတဖြာꩻ ထွာဗာႏ ကမ္ဘာႏကုလသမဂ္ဂ အွဉ်အကိုရေꩻချုတ် ဝွန်ႏတန်တဖြာꩻနဝ်ꩻသွူ။ ဦးသန့် လွူးဖွာꩻခင်ႏလမ်းနဝ်ꩻ ထွာဒျာႏ ဝေင်ꩻပန်းတနော်ကိုသွူ။ ကွပ်ပွိုးနဝ်ꩻမꩻတဲင် မိဉ်ꩻဟဲ့ꩻဖန်တွင်ႏလွေꩻခန်း ပန်းတနော်ဦးသန့် နဲင်းနဝ်ꩻသွူ။
မဟာသရေစည်သူ ဦးသန့် | |
|---|---|
.jpg) ဦးသန့် (၁၉၆၃ ဗာႏ) | |
| ကုလသမဂ္ဂ တတိယလဲင်ႏ အစွိုးစွိုးအဒဝ်ႏဒဝ်ႏ အွဉ်အကိုရေꩻကယ်ႏချုတ် | |
| တာႏဝွန်ႏသက်တန်ꩻ တယ်ႏ ၁၉၆၁ ဗာႏ နိုဝဲင်ဗာ ၃၀ – ဗꩻ ၁၉၇၁ ဗာႏ ဒီသဉ်ဗာ ၃၁ | |
| လိုꩻလီꩻ | ဒက်ဟမ်းမားရှိုး |
| သွုပ်ခံႏသား | ကွတ်ဝေါလ်ဟိုင်း |
| နမ်းရေꩻအချက်အလျက်ဖုံႏ | |
| လွူးဖွာꩻ | ၂၂ ဇန်နဝါရီ၊ ၁၉၀၉ ဝေင်ꩻပန်းတနော်၊ ဗိတိသျမျန်မာခမ်းထီ(အဲင်းကလေတ်စိုး) |
| သီမား | ၂၅ နိုဝဲင်ဗာ၊ ၁၉၇၄ (အသက် ၆၅) ဝေင်ꩻနယူးယောက်၊ အမေႏရိကန်ႏခမ်းခြွဉ်းဗူႏ |
| သီမားဗာႏ အကျောင်ꩻခရာႏ | သွုန်ႏသိုႏကဉ်သာ (အဆုတ်ကင်ဆာ) |
| လို့ꩻသင်ႏဂျိုလ်ႏဒါႏခင်ႏလမ်း | ဖရာꩻရွှေတိဂုံ မုခ်အဗာႏနဝ် ဝေင်ꩻရန်ႏတကွုန်ႏ |
| လိုꩻခွိုꩻ | မန်း |
| လမ်းသား(ဖုံႏ) | ဒေါ်သိန်းတင် (သီမား- ၁၉၈၉) |
| ဖူးဝေးမွိုးဖာ |
|
| ပိုဖုံႏ |
|
| မွိုးဖါ | ဦးဖိုးနှစ် တောမ်ႏ ဒေါ်နန်းသောင် |
| ကိုꩻကွဲႏဘာႏသာႏ | ဗုဒ္ဓဘာႏသာႏ |
| စူမုဲင် |  |
ဖဝပေႏခါ
မွဉ်းဖျင်
ဦးသန့် ယို လွူးဖွာꩻလင်ꩻဒျာႏ ၁၉၀၉−နေင်ႏ ဇန်နဝါရီလာ ၂၂ နီꩻ မွူးနီꩻသောကျာႏနီꩻ ဧရာႏဝတီႏတွိုင်ꩻဒေႏသတန် ပန်းတနော်ဝေင်ꩻကို နဝ်ꩻသွူ။ အဖာမိဉ်ꩻနဝ်ꩻ ထွာဒျာႏ ဦးဖိုးနှစ် အမွိုးမိဉ်ꩻနဝ်ꩻ ဒေါ်နန်းသောင် နဝ်ꩻသွူ။ ဖူးဝေးအောဝ်ႏ ဝင်ꩻ ၄ အကို ဝွေꩻယိုထွာ အတန်သွတ်ꩻသွူ၊ မွိုးဖါနီပါꩻဖုံႏနဝ်ꩻ ထွာဒျာႏ ဟံႏပဲင်ႏတွမ်ႏ ဖြေꩻစာကူꩻကားဒျာႏ ဟူဖုံႏသွူ၊ ဦးဖိုးနှစ်ယိုထွာဒျာႏပညာႏဒါႏသာႏတဖြာꩻနေနေသွူ၊ အဖါနဝ်ꩻသွဉ်ထူႏဗာႏ ပညာႏ အွိုး ကတ္တာႏဝေင်ꩻကိုသွူ၊ အဲင်းကလေတ်ငေါဝ်းတဲ့ ဒါႏလဲပ်မွေးသွူ၊ ဦးသန့်သီးစွိုးခွိုꩻကိုယို ထွာဒျာႏ ကိုꩻကွဲႏယွုမ်းအံႏ ဗုဒ္ဓဘာႏသာႏ သားသွူ၊ ရန်းကုင်ႏကို ကအောဝ်ႏထေဒျာႏ သူရိယ သတင်ꩻစာႏနဝ်ꩻ ထွာဒျာႏ ဝွေꩻသီးထေသေခါꩻဒျာႏသွူ။[၁] ဦးသန့် နဝ်ꩻသွဉ်ထူႏသေခါꩻ အဂ်လေတ် အဖါထျꩻတဲင် မန်းခမ်းကို သုတေသန အစွိုꩻနွိုတဖြာꩻအနေႏလဲ့ အဝ်ႏခွုမ်ꩻစံႏလွေꩻဗာႏထာꩻမာနေနေသွူ။
အာႏကွိုꩻ
မွဉ်းဖျင်- ↑ (2006) The River of Lost Footsteps. Farrar, Straus and Giroux. ISBN 0-374-16342-1.