တောင်ႏရွိုꩻ
တောင်ႏရွိုꩻလိုꩻခွိုꩻနဝ်ꩻ(မန်း :တောင်ရိုး)ပါသော့ꩻငီႏဒျာႏ တိဗက်တွမ်ႏမန်းအခွိုꩻ ထွာဒျာႏမန်းအခွိုꩻဗူႏကိုသွူ ။ တောင်ႏရွိုꩻလိုꩻခွိုꩻ အုံအဝ်ႏခင်ႏလမ်းနဝ်ꩻ ဖြဝ်ꩻခမ်းနယ်ႏကို ထာꩻပြင်ႏဒေႏသကထွာဒါႏ ပွေးလ တွမ်ႏ ဝေင်ꩻနယ်ႏပင်ႏတရား ထျကဗော့ꩻရာꩻဒေႏသကိုဖုံႏနဝ်ꩻသွူ ။ လိုꩻအဖြာꩻခြွဉ်းအဝ်ႏ (၂၂၀၀၀)လွိုꩻနဝ်ꩻသွူ ။ တောင်ႏရွိုꩻလိုꩻခွိုꩻယိုယာႏခွမ်လာꩻနဝ်ꩻဗွိုန်ပီဒျာႏ ဖြဝ်ꩻတွမ်ႏပအိုဝ်ႏ ယိုꩻယာႏခွမ်လာꩻနဝ်ꩻသွူ ။ လိုꩻခိုဖုံႏနဝ်ကွဉ်ကꩻဒျာႏ ကွဉ်တရုံးတွမ်ႏ ကတူႏပေါက်၊ လိုꩻမူႏနဝ်ꩻ ကွဉ်ကꩻဒျာႏပနီႏတရုံး အွဉ်ႏဒို့ꩻပေ့ꩻခါꩻဒျာႏ ခင်ႏလိန်းတူႏနဝ်ꩻသွူ ။ တောင်ႏရွိုꩻလိုꩻခွိုꩻယိုနဝ်ꩻ လွုပ်ꩻမာꩻဒျာႏသွို့ꩻ၊ခြံ၊လုဲင်း၊ဥယျာန်ႏခြံဖုံႏနဝ်ꩻသွူ ။ ဝွေꩻသီးလိုꩻခွိုꩻယိုနဝ်ꩻ ဗွိုန်ပီဒျာႏပအိုဝ်ႏလိုꩻခွိုꩻရိုကီနဝ်ꩻလဲ့ ပါသော့ꩻငီႏဒျာႏခွိုꩻဗူႏအလင်ကိုသွူ ။ တောင်ႏရွိုꩻလိုꩻခွိုꩻငေါဝ်းငွါနဝ်ꩻ ဗွိုန်ပီဒျာႏ မန်းလိုꩻခွိုꩻငေါဝ်းငွါနဝ်ꩻသွူ ။ ကိုꩻကွဲႏဒျာႏ လူꩻတွမ်ႏ ဗုဒ္ဓဘာႏသာႏနဝ်ꩻသွူ ။ စွုမ်ႏလမ်းစွုမ်ႏပါႏကို အွဉ်ႏခါꩻဒျာႏဘုရာꩻကျောင်ꩻတွမ်ႏ ဆဲင်ႏရာꩻလူꩻတနမ်ဟော်ဖုံႏနဝ်ꩻသွူ။ တောင်ႏရွိꩻလိုꩻခွိုꩻဖုံႏယို ထုံမောင်း ယိုယာႏအဒုံႏအအူဖုံႏလဲ့အဝ်ႏဒျာႏသွူ ။
| တောင်ႏရွိုꩻ | |
|---|---|
 တောင်ႏရွိုꩻမူႏဖြား (၁၉၂၂ ဗာႏ) | |
| အဝ်ႏအုံအာဒါႏခင်ႏလမ်း | |
 မျန်မာခမ်းထီ ၊  ဖြဝ်ꩻခမ်းနယ်ႏ ၊ ဝေင်ꩻနယ်ႏပင်ႏတရား | |
| ဘာႏသာႏငဝ်းငွါ | |
| မန်းဘာႏသာႏငေါဝ်းငွါခွိုꩻနွယ်ႏ တောင်ႏရွိုꩻဘာႏသာႏ | |
| ကိုꩻကွဲႏ | |
| ဗုဒ္ဓဘာႏသာႏ | |
| ဆွိုက်စပ် ခမ်းရင်ꩻသား အစွိုꩻဖုံႏ | |
| မန်းလိုꩻခွိုꩻ ၊ ရခဲင်ႏလိုꩻခွိုꩻ ၊ မန်းနောင်လိုꩻခွို ၊ ဓနုꩻလိုꩻခွိုꩻ |
တောင်ႏရွိုꩻလိုꩻခွိုꩻမွဉ်းဖျင်
အာႏကွိုꩻမွဉ်းဖျင်
- ↑ မြန်မာပြည် လူမျိုးများ