ဝေင်ꩻဗီယန်ထျန်း

ဝေင်ꩻဗီယန်ထျန်း (အဲင်းကလေတ်: Vientiane) (လာအို: ວຽງຈັນ, Viang chan) (ထုဲင်ꩻ: เวียงจันทน์, Wiang Chan) (ခမာ: វៀងច័ន្ទ, Vieng Chan) (ကိုးရီးယား: 비엔티안, Bientian) နဝ်ꩻ ထွာဒျာႏ လာအိုခမ်းထီ ဝေင်ꩻတန်တောမ်ႏ အတန်သွတ်ꩻဝေင်ꩻတန်ဒျာႏသွူ။ အဝ်ႏဒျာႏ ထုဲင်ꩻခမ်းထီခမ်းကူထျꩻ မဲခေါင်ခြောင်ဖင်ႏသွူ။ ပွိုးတောမ်ႏ မန်းနွို့ကာႏယားအန်ႏတရာယ်ႏတဲင် ၁၅၆၃ ဗာႏကို ဝေင်ꩻဗီယန်ဆျန်းနဝ်ꩻ ထွာလွေꩻခန်း ဝေင်ꩻတန်နဝ်ꩻသွူ။ ပဉ်တစ်သီးအဝ်ႏအိုပ်ချုတ်လာအိုခိန်ႏ ဝေင်ꩻဗီယန်ဆျန်းနဝ်ꩻ ထွာဗာႏ အိုပ်ချုတ်ရေꩻဝေင်ꩻတန်တဲင် ပွိုးစွောန်ႏ စီꩻပွာꩻရေꩻလွိုင်ႏကွုန်ꩻထင်ႏထိုအာလွဉ်တဲင် ယိုခါနဝ်ꩻ လာအိုခမ်းထီတာႏ ထွာစွောန်ႏ စီꩻပွာꩻရေꩻ အချက်ချာခင်ႏလမ်းတဖြုံႏနဝ်ꩻသွူ။

ဝေင်ꩻဗီယန်ထျန်း ວຽງຈັນ, Vientiane
ဝေင်ꩻတန်
ນະຄອນຫຼວງ​ວຽງຈັນ​
From top, left to right: Patuxai; view of Vientiane from the Patuxai, Wat Si Saket; Pha That Luang
ဝေင်ꩻဗီယန်ထျန်း ဝေင်ꩻဗီယန်ထျန်း
ကိုဩဒိနိတ်: 17°58′N 102°36′E
ခမ်းထီ	လာအို(လဝ်)ခမ်းထီ
ခရဲင်ႏ	ဗီယန်ထျန်းခရဲင်ႏ
တယ်ႏဆို့ꩻ	၉ ရျာꩻဗူႏ
ဧရိယာႏ
• ခြွဉ်း	၃,၉၂၀ စတုရန်းကီလိုမီတာ (၁၅၁၀ စတုရန်းမဲင်ႏ)
ထိုထဲင်းပင်ႏလယ်ႏ ထီခိုႏဆꩻကီ	၁၇၄ မီတာ (၅၇၀ ပေ)
လိုꩻဖြာꩻခြွဉ်း (၂၀၂၀)
• ခြွဉ်း	၉၄၈,၄၇၇
အခိန်ႏအွိုင်ꩻ	UTC+7 (အဉ်ဒိုခယ်ႏ အခိန်ႏအွိုင်ꩻ ICT)

ခရိစ်နေင်ႏ ၂၀၁၅ ဗာႏ စာႏရင်ꩻအရမ်ꩻအလꩻ ဝေင်ꩻဗီယန်ထျန်းကိုနဝ်ꩻ လိုꩻဖြာꩻခြွဉ်းအဝ်ႏ အဖြာꩻ ၇၆၀,၀၀၀ သွူ။ အာသျခဝ်ကွဉ်ႏနဝ် ပွယ်ꩻခေးပြဲင်ႏထာꩻခွုမ်ဆိုး နေင်ႏ ၅၀ ဗွေအနေႏ ခရိစ်နေင်ႏ ၂၀၀၉ ဗာႏ လာဒီသဉ်ဗာကို အာသျခဝ်ကွဉ်ႏနဝ် အလဲင်ႏ ၂၅ ခေါပ် ပွယ်ꩻခေးပြဲင်ႏထာꩻခွုမ်ဆိုးနဝ်ꩻ မာꩻလွေꩻ ဝေင်ꩻဗီယန်ဆျန်းကိုသွူ။ ဝေင်ꩻဗီယန်ဆျန်းအမိဉ်ꩻနဝ်ꩻ အဝ်ႏဒျာႏ ထေရဝါဒဗုဒ္ဓဘာႏသာႏ ပါဠိဘာႏသာႏငဝ်းကို လင်ꩻလွဉ်နဝ်ꩻသွူ။ လာအိုဘာႏသာႏငဝ်းငွါ အတဲမ်းအဖြုဲင်ꩻစခါအလꩻ ဝေင်ꩻမိဉ်ꩻအဓိပ္ပာယ်ႏနဝ်ꩻ ထွာဒျာႏ "ဝေင်ꩻစန္ဒကူး" နုဲင်းနဝ်ꩻလဲ့ လာအိုဘာႏသာႏငဝ်းငွါ အတဲမ်းအဖြုဲင်ꩻယိုခါအလꩻ အဓိပ္ပာယ်ႏစဲင်းစဲ့သေႏချာႏ တအဝ်ႏတဝ်းဒွိုန်းသွူ။ လာအိုခမ်းသားဖုံႏနဝ်ꩻတဲ့ ဝေင်ꩻမိဉ်ꩻအဓိပ္ပာယ်ႏနဝ်ꩻ ထွာဒျာႏ "လာစန္ဒာႏ"၊ ယဟန်ႏတဲ့ အဝ်ႏရိုꩻဒျာႏ "စန္ဒကူး" နုဲင်းနဝ်ꩻသွူ။ ထုဲင်ꩻတောမ်ႏခမာ ဘာႏသာႏငဝ်းငွါအလꩻလဲ့ ဝေင်ꩻမိဉ်ꩻအဓိပ္ပာယ်ႏနဝ်ꩻ ထွာဒျာႏ "ဝေင်ꩻစန္ဒကူး" နဝ်ꩻသွူ။