ဝေင်ꩻဖအံ

ဝေင်ꩻဖအံ (အိန်းကလေတ်: Hpa-an) နဝ်ꩻ အဝ်ႏဒျာႏ မျန်မာခမ်းထီ၊ စောက်ꩻခမ်းနယ်ႏ၊ ဖအံခရဲင်ႏ၊ ဝေင်ꩻနယ်ႏဖအံကိုနဝ်ꩻသွူ။ ဝေင်ꩻဖအံနဝ်ꩻ ထွာဒျာႏ စောက်ꩻခမ်းနယ်ႏ ဝေင်ꩻတန်တဲင် ဝေင်ꩻကိုနဝ်ꩻ ခမ်းနယ်ႏ၊ ဒေႏသ၊ ခရဲင်ႏ၊ ဝေင်ꩻနယ်ႏ အိုပ်ချုတ်ရေꩻရွုမ်ꩻဖုံႏ အဝ်ႏသော့ꩻနဝ်ꩻသွူ။ စောက်ꩻ၊ ပအိုဝ်ႏ၊ မန်း၊ မဲင်ꩻ၊ ဖြဝ်ꩻ စတဲင် တောမ်ႏလိုꩻမျိုꩻအလင်ဖုံႏ အဝ်ႏအုံညီꩻရဝ်းဝင်ꩻသွူ။ ဝေင်ꩻထျꩻနဝ်ꩻ ဖအံတက္ကသိုလ်ႏ၊ အနယ်ꩻပညာႏ တက္ကသိုလ်ႏ၊ ကွန်ပျူတာတက္ကသိုလ်ႏ၊ ပညာႏရေꩻကေားလေက်၊ အစိုႏရ သီးယုင်တန်၊ သမ်ဖော်ꩻကျောင်ႏကွင်ꩻ၊ ဟော်တယ်ဖုံႏ၊ ခမ်းရင်ꩻသား ပွယ်ꩻတန်ခင်၊ ကဝ်ႏခြံ စတဲင်ဖုံႏအဝ်ႏနဝ်ꩻသွူ။ ဝေင်ꩻထျꩻနဝ်ꩻ ခြုံꩻခြောင်အဝ်ႏထွတ်ꩻလင်ꩻတဲင် မော်တော်၊ သင်ႏဖော်ꩻပေႏ ထီတဖူꩻရဲဉ်ႏတဲ့ အဝ်ႏသုင်ꩻနေနေသွူ။

ဝေင်ꩻဖအံ ဖၣ်အၣ်ဝ့ၢ်ဖိ
ဝေင်ꩻ
ဝေင်ꩻဖအံ မျန်မာခမ်းထီဟံႏပုင်ႏကို ဝေင်ꩻဖအံ
ကိုဩဒိနိတ်: 16°52′N 97°38′E
ခမ်းထီ	မျန်မာခမ်းထီ
ခမ်းနယ်ႏ	စောက်ꩻခမ်းနယ်ႏ
ခရုဲင်ႏ	ဖအံခရဲင်ႏ
ဝေင်ꩻနယ်ႏ	ဝေင်ꩻနယ်ႏဖအံ
ဧရိယာႏ
• ဝေင်ꩻ	၁၀�၀ စတုရန်းမဲင်ႏ (၂၅.၉ စတုရန်းကီလိုမီတာ)
ထိုထဲင်းပင်ႏလယ်ႏ ထီခိုႏဆꩻကီ	၅၃ ပေ (၁၆ မီတာ)
လိုꩻဖြာꩻခြွဉ်း (၂၀၁၉)
• ဝေင်ꩻကို	၅၆,၇၂၆
အခိန်ႏအွိုင်ꩻ	မျန်မာအခိန်ႏအွိုင်ꩻ (UTC+6:30)

တထာတန်ကာႏခြုံꩻခြောင်၊ ဖအန်

ကထွူထိုꩻလဲဉ်း ပွိုင်းလဲင်ႏကရီးခါ ညလဲဉ်းဒါႏနေင်ႏပေါင်ꩻ (၁၀၀၀)လွိုအခိန်ႏ ခြုံꩻခြောင်ဖင်ႏ ကွန်နာလောင်းနဝ်ꩻ ဒုံအဝ်ႏတဒုံတဲင် လမ်းငင်းအဝ်ႏ (၂၀၀)ရပ်နဝ်ꩻသွူ။ ဒုံယိုထျꩻ ခြုံခြောင်ဖင်ႏထျꩻတထွောင်းနဝ်ꩻ ထင်ႏသျာꩻဒါႏ လုံးနာစျူတန် အဝ်ႏတဗာႏနဝ်ꩻသွူ။ လုံးနာစျူနဝ်ꩻနဝ်ꩻ ယွန်ꩻ(ထုဲင်ꩻဖြဝ်ꩻ)ငဝ်းငွါအနေႏ ဟဲ့ꩻဖားအန်းတဲင် အဓိပ္ပာယ်ႏနဝ်ꩻ "လုံးစွယ်ႏလုံးစျူ" နုဲင်းနဝ်ꩻသွူ။ အဝ်ႏ"ဖားအန်း"ယို ခေတ်ပြောင်ꩻလွဉ် တလဲင်ႏတစိꩻ အငဝ်ႏထန်ႏလဲ့ ပြောင်ꩻလွဉ်ဆေ့ꩻဆေ့ꩻတဲင် ယိုခါနဝ်ꩻ အမိဉ်ꩻတွင်ႏလွဉ် "ဘားအံ/ဖအံ" နုဲင်းနဝ်ꩻသွူ။ တယ်ႏ ၁၉၀၇ ဗာႏ တွယ်ႏစလွေꩻ ဝေင်ꩻအခင်အကွက်နဝ်ꩻသွူ။ ဝေင်ꩻဖအံထျꩻ မိဉ်ꩻတန်တင်ႏသျာꩻဒါႏကောင်နဝ်ꩻ ထွာဒျာႏ "ဇွဲးကပင်ကောင်"သွူ။ ဝေင်ꩻထျꩻနဝ်ꩻ ကောင်တဝွန်ႏ၊ ကြာအင်းကောင်၊ ကောင်ပေႏဖုံႏ၊ ထမ်းဖုံႏ၊ ထီလျား၊ ထီနောင်၊ ကဝ်ႏခြံ၊ ဖရာꩻစေႏတီႏဖုံႏ စတဲင် လယ်ႏထွားခရာႏခင်ႏလမ်းဖုံႏ အဝ်ႏလွိုင်ႏအာတန်သွူ။ ထမ်းဆဒ္ဒန်နဝ်ꩻ စောက်ꩻခမ်းနယ်ႏကို ထွာအတန်သွတ်ꩻတောမ်ႏ အဆွာꩻသွတ်ꩻ ထမ်းတဖြုံႏဒျာႏသွူ။

ဇွဲကပင် ဖရာꩻကောင်နာ

ရုက်ပုင်ႏဖုံႏ

• 
  ဖရာꩻဝေင်ꩻကဲဉ်၊ ဖအန်
• 
  နောင်သာႏယာႏတထာာ
• 
• 
• 
• 
  ဖရာꩻကျောက်ကလပ်၊ ပအိုဝ်ႏဗွေႏဗိုန် အွဉ်ငါတယ်ႏလူႏခါꩻ
• 
• 
• 
  ထမ်းဆဒ္ဒန်