ဝေင်ꩻမစ်စီးနား (အဲင်းကလေတ်: Myitkyina) (မန်း: မြစ်ကြီးနားမြို့) နဝ်ꩻ ထွာဒျာႏ ခင်ခမ်းနယ်ႏ ဝေင်ꩻတန်နဝ်ꩻသွူ။ အဝ်ႏဒျာႏ မျန်မာခမ်းထီခင်ခမ်းနယ်ႏမစ်စီးနားခရဲင်ႏဝေင်ꩻနယ်ႏမစ်စီးနားကို ကပါဒါႏ ဝေင်ꩻတဝေင်ꩻဒျာႏသွူ။ ဝေင်ꩻမစ်စီးနားကိုနဝ်ꩻ ခမ်းနယ်ႏ၊ ခရဲင်ႏ၊ ဝေင်ꩻနယ်ႏ အိုပ်ချုတ်ရေꩻရွုမ်ꩻဖုံႏ အဝ်ႏသော့ꩻနဝ်ꩻသွူ။ ဝေင်ꩻမစ်စီးနားဖဲ့ꩻခိုႏ မဲင်ႏ(၂၅)ရပ်ကိုနဝ်ꩻ မေခခြောင်တောမ်ႏ မလိခခြောင် ခြောင်ဆွုမ်ႏ(မြစ်ဆုံ) အဝ်ႏတဲင် အဝ်ႏခြောင်နဝ်ꩻနီဖြုံႏ ခွဲးထွူ နွို့လင်ꩻသော့ꩻလွေꩻငီꩻဝင်ꩻတခြောင်ချင်ႏတဲင် ထွာလွေꩻ ဧရာႏဝတီႏခြောင် အခဝ်ခိုႏနဝ်ꩻသွူ။ ခရိစ်နေင်ႏ ၂၀၁၄ ဗာႏ စာႏရင်ꩻအလꩻ ဝေင်ꩻကိုနဝ်ꩻ လိုꩻဖြာꩻခြွဉ်းအဝ်ႏ ၁၅၀,၀၀၀ ရပ်သွူ။

ဝေင်ꩻမစ်စီးနား
ဝေင်ꩻ
မြစ်ကြီးနားမြို့, Myitkyina
ဝေင်ꩻမစ်စီးနား သည် မျန်မာခမ်းထီ တွင် တည်ရှိသည်
ဝေင်ꩻမစ်စီးနား
ဝေင်ꩻမစ်စီးနား
မျန်မာခမ်းထီဟံႏပုင်ႏကို ဝေင်ꩻမစ်စီးနား
ကိုဩဒိနိတ်: 25°22′N 97°23′E / 25.367°N 97.383°E / 25.367; 97.383
ခမ်းထီ မျန်မာခမ်းထီ
ခမ်းနယ်ႏ ခင်ခမ်းနယ်ႏ
ခရဲင်ႏမစ်စီးနားခရဲင်ႏ
ဝေင်ꩻနယ်ႏဝေင်ꩻနယ်ႏမစ်စီးနား
ထိုထဲင်းပင်ႏလယ်ႏ ထီခိုႏဆꩻကီ[၁]၄၇၆ ပေ (၁၄၅ မီတာ)
လိုꩻဖြာꩻခြွဉ်း (၂၀၁၄)[၂]
 • ခြွဉ်း၂၄၃,၀၃၁
အခိန်ႏအွိုင်ꩻမျန်မာအခိန်ႏအွိုင်ꩻ (UTC+6.30)
ဧရိယာႏကိုဒ်(ဖုံႏ)74

အစိုႏရရွုမ်ꩻဖုံႏ မွဉ်းဖျင်

ဝေင်ꩻမစ်စီးနားကိုနဝ်ꩻ ခင်ခမ်းနယ်ႏ အစိုႏရရွုမ်ꩻဖုံႏ အကိုဝွန်ႏရွုမ်ꩻဖုံႏတောမ်ႏ အစိုႏရရွုမ်ꩻအလင်ဖုံႏ၊ ခမ်းသားသီးယုင်၊ ထောင်ႏဖုံႏ အဝ်ႏသော့ꩻဒါႏ ဝေင်ꩻတဝေင်ꩻဒျာႏသွူ။ ခရဲင်ႏရွုမ်ꩻအဝ်ႏသော့ꩻဒါႏ ခရဲင်ႏဝေင်ꩻတန်ဒျာႏနေနေသွူ။ ထွူတကာႏတဝ်း ကောလေက်၊ ထွာနွောင်ꩻဆရာႏ သိပ္ပံကျောင်ꩻ၊ အခေႏခံႏအရန်းထိုကျောင်ꩻ၊ အရန်းထာႏဝကျောင်ꩻတောမ်ႏ မူလရန်းကျောင်ꩻဖုံႏလဲ့ အဝ်ႏနဝ်ꩻသွူ။ ထွာဒျာႏ အဝ်ႏဗွော့ꩻလွေꩻ မျန်မာခမ်းထီအခဝ်ထင်ꩻ ခမ်းကူဟံႏနယ်ႏသီးတဲင် ခမ်းခြွဉ်းဗူႏ လိုမ်းဗိဉ်ႏရေꩻတာႏ အရေꩻတန်ငါႏ ဒေႏသတဖြုံႏဒျာႏတဲင် စဲ့ꩻစခန်ꩻတန်ဖုံႏ ကအဝ်ႏသော့ꩻဒါႏ ဝေင်ꩻတဝေင်ꩻဒျာႏ နေနေသွူ။ စဲ့ꩻတွိုင်ႏအခဝ်ထင်ꩻ စဲ့ꩻဌာႏနချုတ်လဲ့ အဝ်ႏဗွောင်ခါꩻနဝ်ꩻသွူ။

လွိုင်ႏအာစီꩻပွာꩻတာႏ မွဉ်းဖျင်

အဝ်ႏမျန်မာခမ်း ဒေႏသအရပ်ရပ်ကို ဒင်ႏပသာလွေꩻကွန်ႏ မစ်စီးနားဒေႏသ နုဲင်း ဗွူကလာꩻ၊ ဓာတ်ထီ၊ ယေနံထီ၊ ခေါမ်လာꩻ၊ ပသီးခြွိုင်းခြိုꩻ၊ တသာႏဖုံႏသွူ။ အဝ်ႏမစ်စီးနားဒေႏသ ဒင်ႏပသာထန်ႏလွေꩻချာ သာႏသိကျာꩻ၊ ဗွူဟူ၊ လုံးချို(ကျောက်စိမ်း)၊ ပယဉ်း၊ ခံꩻ၊ ဗေဟံႏ၊ ကော်ဖီ၊ သေင်ႏမုဲင်းသက်ꩻ စတဲင်အဒီႏအရာႏမျိုꩻစွုမ်ႏဖုံႏ ခမ်းကိုခမ်းထန်ႏနဝ်ꩻသွူ။ ခင်ခမ်းနယ်ႏကို ကအဝ်ႏဒါႏ ခမ်းသားဖုံႏ ကသုင်ꩻဒါႏ ကွန်ႏတခြိုꩻ၊ တသီႏစတဲင်ဖုံႏနဝ်ꩻ အဝ်ႏဒျာႏ ဝေင်ꩻမစ်စီးနား ဖြေ့ꩻလီစာလွေꩻဖေႏဒျာႏနဝ်ꩻသွူ။ စီꩻပွာꩻရေꩻအတာႏ ထွာအရေꩻတန်ဒါႏ ဝေင်ꩻတန်တဝေင်ꩻဒျာႏတဲင် ခင်ခွိုꩻဖုံႏ အဝ်ႏအုံသော့ꩻသွူတကာႏတဝ်း လိုꩻမျိုꩻလင် လိုꩻမျိုꩻစွုမ်ႏဖုံႏလဲ့ အဝ်ႏနွို့လွဉ်အုံတဲင် ကွုန်ꩻဟွိုင်ꩻဒါႏ ဝေင်ꩻတဝေင်ꩻဒျာႏ နေနေသွူ။

ခြွိုင်ႏသန်ꩻတာႏ မွဉ်းဖျင်

  • မစ်စီးနား လိုမ်ꩻလာꩻရောႏဂါႏအစွိုးစွိုး သီးယုင်တန်
  • မစ်စီးနား လိုမ်ꩻလာꩻဖေင်ꩻဖင်ꩻယာလံသား သီးယုင်

အာႏကွိုꩻ မွဉ်းဖျင်

  1. GoogleEarth
  2. သန်းခေါင်စာရင်း အစီရင်ခံစာ။ ၂၀၁၄ ခုနှစ် လူဦးရေနှင့် အိမ်ထောင်စု သန်းခေါင်စာရင်း အစီရင်ခံစာ။ အတွဲ-၂။ နေပြည်တော်: လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာန။ မေ ၂၀၁၅။ pp. ၆၃။