တမ်းပလေက်:Today's featured article
ပအိုဝ်ႏအာႏဇာႏနီႏမွူးနီꩻ ကရိုꩻနဝ်ꩻ ထွာဒျာႏ ထူႏဂုဏ်ႏလွေꩻ ကလဲဉ်းခိုႏချာ မဟာမစာႏ ပအိုဝ်ႏလိုꩻမျိုꩻ အောဝ်ႏအတိက်ꩻနျꩻခံႏဘဝ ဖေႏကလွစ်ထန်ႏလꩻနောဝ်ꩻ တခေတ်ထွူတခေတ် တစွုပ်ထွူတစွုပ် ရက်ခွိုꩻသꩻဓာတ်ကအောဝ်ႏဒါႏ အာႏဇာႏနီႏပုဂ္ဂိုလ်ႏ လိုꩻယံလိုꩻကျ ကထွာဒါႏအွဉ်ငါ ခေါင်းဆောင်ပေႏတန် အရန်းရန်းတွမ်ႏ သွꩻဟောဝ်ထာꩻမာꩻဖက် ပအိုဝ်ႏအာႏဇာႏနီႏပုဂ္ဂိုလ်ႏသီး ကားကအဝ်ႏဒျာႏနောဝ်ꩻသွူ။ မဉ်ႏအွော့ꩻလန်ႏချာဗာႏ သမဲင်ꩻလိတ်လာႏ မဲ့ငါလောင်းကို အအဲဉ်ႏနောဝ်ꩻ ခြဲ့ꩻနယ်ႏလွိုဆန်ရေꩻစိုးကို ဗွေႏဆရာႏတောႏ မရမ်းချောင်တွမ်ႏ ပိုလ်ႏခံꩻ (ခမ်းဒွမ်)သီးလဲ့သင်၊ ခမ်းကောင်ဖဲ့ꩻ ခွန်အိုးတွမ်ႏ ပိုလ်ႏပန္တထွဉ်ꩻသီးလဲ့သင်၊ ခြဲ့ꩻနယ်ႏလွိုဆန်ရေꩻ တွိုက်ꩻပွယ်ꩻကို ထွာအာႏဇာႏနီႏခေါင်းဆောင်တန်ဖုံႏဒျာႏနောဝ်ꩻသွူ။ ပဒေႏသရာဇ်လွိုဆန်ရေꩻ တွိုက်ꩻပွယ်ꩻကို ဖြားတန်ကျောင်ꩻတိယွုံꩻ(ဟဲ့ꩻ) ဖြားတန်ကောင်ခယ်ႏ၊ ဖြားတန်ကောင်ပြုဲင်၊ ဖြားတန်နာꩻစေတ်သောက်၊ စောက်ꩻဖါးခွန်စီ၊ ဖြားဗွာဦးဖြူ(တောင်ႏကီꩻ)၊ အမတ်အောင်ႏသာႏ၊ ဗိုလ်ချန်ဇုံ၊ ဗိုလ်ဟိန်မောင်၊ ဖြားဗွာလှဖေ၊ ဗိုလ်ချုပ်စံသိန်း စတဲင် အွဉ်ငါခေါင်းဆောင်တန်ဖုံႏနောဝ်ꩻ နွို့သမဲင်ꩻအာႏဇာႏနီႏပုဂ္ဂိုလ်ႏတန်ဖုံႏဒျာႏနောဝ်ꩻသွူ။ နေင်ႏ ၁၉၇၆-ဗာႏ၊ လာဇန်နဝါရီကို ဝေင်ꩻနယ်ႏသီႏသဲင်ႏ၊ အွိုင်ႏနာꩻသံ၊ ဒုံလုံးဒါ ဗွေႏဗွန်ကျောင်ꩻကို ကမာꩻလွေꩻဒါႏ ပအိုဝ်ႏစွိုးခွိုꩻအစွိုꩻ(PNO) ပထမလဲင်ႏ ပွယ်ꩻညီႏလာႏခံႏတန်ကို အီႏအွဉ်ႏထွော့ အာႏဇာႏနီႏမွူးနီꩻတာႏ ဒင်ႏသွင်ꩻလွေꩻ စွိုးခွိုꩻအွဉ်ငါ ခေါင်းဆောင်တန် ဖြားဗွာလှဖေ အနိစ္စခန္ဓာႏကပြောင်ꩻထိုꩻဒါႏမွူးနီꩻနဝ်ꩻ ကကျွꩻထင်ႏလွဉ်ဒါႏ ပုဂ္ဂိုလ်ႏကားကအောဝ်ႏ (ကန့်ကွက်)သားအဲဉ်ထောဝ်းတဲင် အွဉ်ႏထွော့လွေꩻ ပအိုဝ်ႏမွူးနီꩻအာႏဇာႏနီႏ"နီꩻ"နောဝ်ꩻသွူ။...ဟော်ꩻထွားထဲင်းအသွုပ်