ဝေင်ꩻတာဆီလေက်

ဝေင်ꩻတာဆီလေက် (အဲင်းကလေတ်: Tachileik) (မန်း: တာချီလိတ်မြို့) နဝ်ꩻ အဝ်ႏဒျာႏ မျန်မာခမ်းထီ၊ ဖြဝ်ꩻခမ်းနယ်ႏအခဝ်ကွဉ်ႏ၊ တာဆီလေက်ခရဲင်ႏ၊ ဝေင်ꩻနယ်ႏတာဆီလေက်ကို ကအဝ်ႏဒါႏ ခမ်းကူဝေင်ꩻတဝေင်ꩻဒျာႏသွူ။ ဝေင်ꩻတာဆီလေက်ကိုနဝ်ꩻ ခရဲင်ႏ၊ ဝေင်ꩻနယ်ႏအိုပ်ချုတ်ရေꩻရွုမ်ꩻဖုံႏ အဝ်ႏသော့ꩻနဝ်ꩻသွူ။ ဝေင်ꩻတာဆီလေက်ကိုနဝ်ꩻ ဖြဝ်ꩻ၊ ထုဲင်ꩻဖြဝ်ꩻ၊ လားဟူ၊ မန်း၊ ပအိုဝ်ႏလိုꩻမျိုꩻ စတဲင် တောမ်ႏလိုꩻမျိုꩻလင်ဖုံႏအဝ်ႏအုံညီꩻ အဝ်ႏရဝ်းလွဝင်ꩻနဝ်ꩻသွူ။

ဝေင်ꩻတာဆီလေက် ဝဵင်းတႃႈၶီႈလဵၵ်
ဝေင်ꩻ
ဝေင်ꩻတာဆီလေက် မျန်မာခမ်းထီဟံႏပုင်ႏကို ဝေင်ꩻတာဆီလေက်
ကိုဩဒိနိတ်: 20°27′N 99°53′E
ခမ်းထီ	မျန်မာခမ်းထီ
ခမ်းနယ်ႏ	ဖြဝ်ꩻခမ်းနယ်ႏ
ခရဲင်ႏ	တာဆီလေက်ခရဲင်ႏ
ဝေင်ꩻနယ်ႏ	ဝေင်ꩻနယ်ႏတာဆီလေက်
ထိုထဲင်းပင်ႏလယ်ႏ ထီခိုႏဆꩻကီ	၁၃၃၉ ပေ (၄၀၈ မီတာ)
လိုꩻဖြာꩻခြွဉ်း (၂၀၁၄)
• ခြွဉ်း	၅၁၅၅၃
အခိန်ႏအွိုင်ꩻ	မျန်မာအခိန်ႏအွိုင်ꩻ (UTC+6.30)

တာဆီလေက်-မယ်သုဲင် တထာခမ်းကူ

ဝေင်ꩻတာဆီလေက်နဝ်ꩻ အဝ်ႏဒျာႏ မျန်မာ(မန်းခမ်း)၊ ထုဲင်ꩻခမ်း၊ လာအိုခမ်း ခမ်းတန်သိုမ်ဖြုံႏ မဲခေါင်ခြောင် အကူအနားလောင်း ထွာဒျာႏ တြိဂံဒေႏသတဲင် စီꩻပွာꩻရေꩻလဲ့ဟဝ်၊ ဖေင်ꩻဖန်ꩻယာလံယာမားယာဗွာ ကစဒါႏ တရာꩻတဝင်ႏတဝ်း ကွန်ႏဖုံႏလဲ့ အဝ်ႏထန်ႏသော့ꩻအာနဝ်ꩻသွူ။ ဝေင်ꩻတာဆီလေက် တောမ်ႏ ထုဲင်ꩻခမ်း ဝေင်ꩻမယ်သုဲင်နဝ်ꩻ အဝ်ႏခါႏဒျာႏ ခြောင်ပေႏလွုမ်ꩻ အဝ်ႏဗွောင်ဖေႏပါ ခမ်းကူအနွို့အထန်ႏ ဂဲက်တခါꩻငွါတဲင် အဝ်ႏဖြေꩻစာꩻကူꩻကားပါ ခမ်းကိုခမ်းထန်ႏကွန်ႏဖုံႏနဝ်ꩻသွူ။ ဝေင်ꩻတဆီလေက်ထျꩻနဝ်ꩻ သင်ဖော်ꩻကျောင်ႏကွင်ꩻတဲ့ အဝ်ႏနဝ်ꩻသွူ။