ပအိုဝ်ႏနမ်းပဲင်ႏအိုပ်ချုတ်ခွင်ꩻလꩻဒေႏသ

ပအိုဝ်ႏနမ်းပဲင်ႏအိုပ်ချုတ်ခွင်ꩻလꩻဒေႏသ (မန်း: ပအိုဝ်းကိုယ်ပိုင်အုပ်ချုပ်ခွင့်ရဒေသ) (အိန်းကလေတ်: Pa'O Self-Administered Zone) ယိုနဝ်ꩻ အဝ်ႏဒျာႏ မျန်မာခမ်းထီ ဖြဝ်ꩻခမ်းနယ်ႏအခဝ်နဝ်ကိုသွူ။ ခမ်းခြွဉ်းဗူႏ ခမ်းနမ်းဗွေႏမျန်မာခမ်းထီ (၂၀၀၈ နေင်ႏ)ဖြွမ်းဗူႏပွုံႏအခေႏခံႏဥပဒေႏ ပုဒ်မွူး ၅၆ (ဂ) အလꩻ ဖြဝ်ꩻခမ်းနယ်ႏအကို ဝေင်ꩻနယ်ႏဟိုပုံꩻသီႏသဲင်ႏ တွမ်ႏ ပင်လောင်ꩻ သိုမ်ဖြုံႏယို ခြွဉ်းဗူႏအွဉ်ႏထွော့လွေꩻ နမ်းပဲင်ႏအိုပ်ချုတ်ခွင်ꩻလꩻဒေႏသ တဗာႏနဝ်ꩻသွူ။[၂] ဟံႏနယ်ႏဧရိယာႏ အအဲဉ်ႏအလုဲင်းနောဝ်ꩻ အောဝ်ႏ(၃၃၀၄.၉၈၅)စတုရန်းမဲင်ႏနောဝ်ꩻသွူ။ ခရိစ်နေင်ႏ ၂၀၁၄ ဗာႏ စာႏရင်ꩻအလꩻ ဒေႏသအချုတ်နောဝ်ꩻ လို့လို့လမ်းဗာႏပေါင်ꩻ အောဝ်ႏ ၉၉,၄၈၃-ဗာႏ၊ လိုꩻခိုအောဝ်ႏ ၂၂၅,၅၉၀-ဖြာꩻ၊ လိုꩻမူႏအောဝ်ႏ ၂၃၁,၄၄၀-ဖြာꩻ၊ လို့လို့လိုꩻဖြာꩻခြွောန်းအောဝ်ႏ ၄၅၆,၉၉၄-ဖြာꩻနောဝ်ꩻသွူ။[၃]

ပအိုဝ်ႏနမ်းပဲင်ႏအိုပ်ချုတ်ခွင်ꩻလꩻဒေႏသ
နမ်းပဲင်ႏအိုပ်ချုတ်ခွင်ꩻလꩻဒေႏသ
အွဉ်ငါအစွိုꩻရွုမ်ꩻ
အွဉ်ငါအစွိုꩻရွုမ်ꩻ
ပအိုဝ်ႏနမ်းပဲင်ႏအိုပ်ချုတ်ခွင်ꩻလꩻဒေႏသ အလံႏတောႏ
အလံႏတောႏ
Location of ပအိုဝ်ႏနမ်းပဲင်ႏအိုပ်ချုတ်ခွင်ꩻလꩻဒေႏသ
ခမ်းထီ မျန်မာခမ်းထီ
ခမ်းနယ်ႏ ဖြဝ်ꩻခမ်း
ရွုမ်ꩻအဝ်ႏသွော့ꩻဝေင်ꩻဝေင်ꩻဟိုပုံꩻ
ဝေင်ꩻနယ်ႏဖုံႏ(၃)ဝေင်ꩻနယ်ႏ
ဝေင်ꩻတန်ဝေင်ꩻဟိုပုံꩻ
ဧရိယာႏ
 • ခြွဉ်း၈၅၅၉ စတုရန်းကီလိုမီတာ (၃၃၀၅ စတုရန်းမဲင်ႏ)
ထိုထဲင်းပင်ႏလယ်ႏ ထီခိုႏဆꩻကီ၁၀၇၉ မီတာ (၃၅၄၁ ပေ)
လိုꩻဖြာꩻခြွဉ်း (၂၀၁၄)[၁]
 • ခြွဉ်း၄၅၆,၉၉၄
အခိန်ႏအွိုင်ꩻမျန်မာအခိန်ႏအွိုင်ꩻ (UTC+6.30)
ပအိုဝ်ႏဒေႏသ အွဉ်ငါအစွိုꩻရွုမ်ꩻ

ပအိုဝ်ႏနမ်းပဲင်ႏအုပ်ချွုတ်ခွင်ꩻလꩻဒေႏသနောဝ်ꩻ နေင်ႏ ၂၀၀၈-ဗာႏ၊ ဖွဲ့ဗူႏပွုံႏအခေႏခံႏဥပဒေႏအခန်ꩻ(၂)ပုဒ်မွူး(၅၆)အလꩻ တယ်ႏစ(၂၉-၅-၂၀၀၈)နီꩻ လွောင်ႏဗူႏလွေꩻ ဝေင်ꩻနယ်ႏဟိုပုံꩻ၊ ဝေင်ꩻနယ်ႏသီႏသဲင်ႏ၊ ဝေင်ꩻနယ်ႏပင်လောင်ꩻထွူတဲင် တယ်ႏစ(၃၁-၃-၂၀၁၁)နီꩻ ဒေႏသအွဉ်ငါအစွိုꩻ ထူႏတာႏဝွန်ႏခွုမ်မာꩻလွေꩻနောဝ်ꩻသွူ။ ဆꩻကွဉ်ႏဖဲ့ꩻနဝ်ꩻ ခရဲင်ႏလွယ်လဲမ်၊ ဆꩻတွို့ꩻဖဲ့ꩻနဝ်ꩻ နေပီတော်ကောင်စီဟံႏနယ်ႏတွမ်ႏ တွိုင်ႏမန်ႏတလေꩻ၊ ဆꩻနောဝ်နဝ်ꩻ စောက်ꩻတနျာႏခမ်း(ဟဲ့ꩻ)ကယားခမ်းနယ်ႏ၊ ဆꩻထင်ꩻဖဲ့ꩻနဝ်ꩻ ဝေင်ꩻနယ်ႏမွိုင်ꩻကွိုင်ဖုံႏ အဝ်ႏခူခါꩻနဝ်ꩻသွူ။

ဝေင်ꩻနယ်ႏ တောမ်ႏ ဝေင်ꩻဖုံႏ မွဉ်းဖျင်

 
ပအိုဝ်ႏနမ်းပဲင်ႏအိုပ်ချုတ်ခွင်ꩻလꩻဒေႏသ ဝေင်ꩻနယ်ႏဖုံႏ


ဝေင်ꩻနယ်ႏတောမ်ႏဝေင်ꩻဖုံႏ မွဉ်းဖျင်

အိုပ်ချုတ်ရေꩻ မွဉ်းဖျင်

ဒေႏသအွဉ်ငါအစွိုꩻ မွဉ်းဖျင်

တယ်ႏခရိစ်နေင်ႏ ၂၀၁၁ ဗꩻတွိုႏ ၂၀၁၅ ဗာႏ ပအိုဝ်ႏနမ်းပဲင်ႏအိုပ်ချုတ်တ်ခွင်ꩻလꩻဒေႏသ အွဉ်ငါအစွိုꩻနောဝ်ꩻ လွောင်ႏဗူႏသေꩻခါꩻနုဲင်းဆꩻလယိုအတွိုင်ꩻသွူ-

  • ၁။ ဖြားတန်ခွန်စံလွင် ဥက္ကဋ္ဌ
  • ၂။ ခွန်အေးမောင် အစွိုꩻနွို့(ထာꩻမာꩻအမုꩻဆောင်ႏ-စီမံ)
  • ၃။ ခွန်မောင်ႏပယ်ꩻ အစွိုꩻနွို့ (ထာꩻမာꩻအမုꩻဆောင်ႏ-လိုꩻမုꩻ)
  • ၄။ ခွန်လှဆန်း အစွိုꩻနွို့ (ထာꩻမာꩻအမုꩻဆောင်ႏ-စီꩻပွာꩻ)
  • ၅။ ဗိုလ်မှူးသက်နောင်စိုး အစွိုꩻနွို့ (ထာꩻမာꩻအမုꩻဆောင်ႏ-လိုမ်းဗဉ်ႏရေꩻ)
  • ၆။ ဦးမိုးထက် အွဉ်အကိုရေꩻ (ဒေႏသအွဉ်ငါအစွိုꩻ)
  • ၇။ ခွန်လှသိန်း အစွိုꩻနွို့ (ဒေႏသအွဉ်ငါအစွိုꩻ)
  • ၈။ ခွန်အောင်နိုင်ဦး အစွိုꩻနွို့ (ဒေႏသအွဉ်ငါအစွိုꩻ)
  • ၉။ ဦးမိုးစည်သူ အစွိုꩻနွို့ (ဒေႏသအွဉ်ငါအစွိုꩻ၊ မန်းခမ်းရင်ꩻသားနမ်းခြောင်ꩻတင်)
  • ၁၀။ စိုင်းအောင်ခင် အစွိုꩻနွို့(ဒေႏသအွဉ်ငါအစွိုꩻ၊ ဖြောဝ်ꩻခမ်းရင်ꩻသားနမ်းခြောင်ꩻတင်)
  • ၁၁။ ဗိုလ်မှူးရဲဝင်းကျော် အစွိုꩻနွို့ (ဒေႏသအွဉ်ငါအစွိုꩻ၊ တပ်မတောႏနမ်းခြောင်ꩻတင်)
  • ၁၂။ ဗိုလ်ကြီးဇေယျလင်း အစွိုꩻနွို့ (ဒေႏသအွဉ်ငါအစွိုꩻ၊ တပ်မတောႏနမ်းခြောင်ꩻတင်)

ဟံႏပထဝီႏ မွဉ်းဖျင်

ဟံႏနယ်ႏခင်ႏလမ်းတွမ်ႏ အအဲဉ်ႏအလုဲင်း မွဉ်းဖျင်

ဆꩻထင်ꩻဖဲ့ꩻ လတ္တီတွဒ်(၂၀-ဒီဂရီ ၃၀မိနစ်)တွမ်ႏ(၂၁-ဒီဂရီ ၂၇မိနစ်အခါႏ၊ ဆꩻကွဉ်ႏဖဲ့ꩻ လောင်ဂျီတွဒ်(၉၇-ဒီဂရီ ၀၃မိနစ်)တွမ်ႏ ၉၇-ဒီဂရီ ၀၄မိနစ်အခါႏ ဟံႏနယ်ႏဧရိယာႏ အအဲဉ်ႏအလုဲင်းနောဝ်ꩻ အောဝ်ႏ(၃၃၀၄.၉၈၅)စတုရန်းမဲင်ႏနောဝ်ꩻသွူ။

ဟံႏနယ်ႏအကူအနား မွဉ်းဖျင်

ဆꩻကွဉ်ႏဖဲ့ꩻ- ခရဲင်ႏလွယ်လဲမ် ဆꩻတွို့ꩻဖဲ့ꩻ- နေပီတော်ခမ်းခြွဉ်းဗူႏဟံႏနယ်ႏတွမ်ႏ တွိုင်ႏမန်ႏတလေꩻ ဆꩻနောဝ်- စောက်ꩻတနျာႏခမ်း(ဟဲ့ꩻ)ကယားခမ်းနယ်ႏ ဆꩻထင်ꩻဖဲ့ꩻ ဝေင်ꩻနယ်ႏမွိုင်ꩻကွိုင် ဖုံႏဒျာႏသွူ။

ဟံႏခိုႏဟံႏငုဲင်ꩻ(မြေမျက်နှာသွင်ပြင်) မွဉ်းဖျင်

အဝ်ႏဒျာႏ ထိုထဲင်းပင်ႏလယ်ႏထီခိုႏဆꩻကီ(အောဝ်ႏ)ပေပေါင်ꩻ-၃၅၄၁ ပေတဲင် ထွာဒျာႏ ကောင်ရွေꩻကောင်ဆောင်ႏခြာ ခမ်းကောင်နဝ်ꩻသွူ။

လိုꩻဖြာꩻခြွဉ်းတောမ်ႏ လမ်းငင်းစာႏရင်ꩻ မွဉ်းဖျင်

ပအိုဝ်ႏနမ်းပဲင်ႏအုပ်ချွုတ်ခွင်ꩻလꩻဒေႏသကို ဝေင်ꩻနယ်ႏ၊ ဝေင်ꩻအလွောက်ꩻ လိုꩻဖြာꩻပေါင်ꩻဆေ့ꩻအာစာႏရင်ꩻ မွဉ်းဖျင်

၁။ ဝေင်ꩻနယ်ႏဟိုပုံꩻ လမ်းဗာႏပေါင်ꩻ အောဝ်ႏ ၂၄၇၂၉-လမ်း၊ လိုꩻခိုအောဝ်ႏ ၅၅၄၉၈-ဖြာꩻ၊ လိုꩻမူႏအောဝ်ႏ ၅၆၄၆၄-ဖြာꩻ၊ ခြွဉ်းဗူႏလို့လို့ အောဝ်ႏ ၁၁၁၉၆၂-ဖြာꩻနောဝ်ꩻသွူ။ ၂။ ဝေင်ꩻနယ်ႏသီႏသဲင်ႏ လမ်းဗာႏပေါင်ꩻ အောဝ်ႏ ၃၂၇၅၇-ဗာႏ၊ လိုꩻခို အောဝ်ႏ ၇၄၇၂၃-ဖြာꩻ၊ လိုꩻမူႏအောဝ်ႏ ၇၈၀၃၂-ဖြာꩻ ခြွဉ်းဗူႏလို့လို့အောဝ်ႏ ၁၅၂၇၅၅-ဖြာꩻနောဝ်ꩻသွူ။ ၃။ ဝေင်ꩻနယ်ႏပင်လောင်ꩻ လမ်းဗာႏပေါင်ꩻ အောဝ်ႏ ၂၅၄၉၄-ဗာႏ၊ လိုꩻခိုအောဝ်ႏ ၅၇၄၀၈-ဖြာꩻ၊ လိုꩻမူႏအောဝ်ႏ ၅၇၅၁၃-ဖြာꩻ ခြွဉ်းဗူႏလို့လို့နောဝ်ꩻ အောဝ်ႏ ၁၁၄၉၁၂-ဖြာꩻနောဝ်ꩻသွူ။ ၄။ ဝေင်ꩻနယ်ႏနောင်တရား လမ်းဗာႏပေါင်ꩻ အောဝ်ႏ ၁၆၅၀၃-ဗာႏ၊ လိုꩻခိုအောဝ်ႏ ၃၇၉၆၁-ဖြာꩻ၊ လိုꩻမူႏအောဝ်ႏ ၃၉၃၉၅-ဖြာꩻ ခြွဉ်းဗူႏလို့လို့ အောဝ်ႏ ၇၇၃၅၆-ဖြာꩻနောဝ်ꩻသွူ၊ ဒေႏသအချွုတ်နောဝ်ꩻ လို့လို့လမ်းဗာႏပေါင်ꩻ အောဝ်ႏ ၉၉၄၈၃-ဗာႏ၊ လိုꩻခိုအောဝ်ႏ ၂၂၅၅၉၀-ဖြာꩻ၊ လိုꩻမူႏအောဝ်ႏ ၂၃၁၄၄၀-ဖြာꩻ၊ လို့လို့လိုꩻဖြာꩻပေါင်ꩻ အောဝ်ႏ ၄၅၆၉၉၄-ဖြာꩻနောဝ်ꩻသွူ။

ဝေင်ꩻတွမ်ႏဒုံ လမ်းဗာႏပေါင်ꩻဆေ့ꩻအာတွမ်ႏ လိုꩻဖြာꩻပေါင်ꩻဆေ့ꩻအာ မွဉ်းဖျင်

၁။ ဝေင်ꩻကို လမ်းဗာႏပေါင်ꩻ အောဝ်ႏ ၉၉၅၈-ဗာႏ၊ လိုꩻခိုအောဝ်ႏ ၂၂၂၁၄-ဖြာꩻ၊ လိုꩻမူႏအောဝ်ႏ ၂၄၂၁၄-ဖြာꩻ၊ ခြွဉ်းဗူႏအောဝ်ႏ ၄၆၄၂၈-ဖြာꩻ။ ၂။ ဒုံ လမ်းဗာႏပေါင်ꩻ အောဝ်ႏ ၈၉၅၂၅-ဗာႏ၊ လိုꩻခိုအောဝ်ႏ ၂၀၃၃၇၆-ဖြာꩻ၊ လိုꩻမူႏအောဝ်ႏ ၂၀၇၁၉၀-ဖြာꩻ၊ ခြွဉ်းဗူႏ အောဝ်ႏ ၄၁၀၅၆၆-ဖြာꩻနောဝ်ꩻသွူ။ ဒေႏသစာႏရင်ꩻချွုတ် ဝေင်ꩻတွမ်ႏဒုံနောတ်ꩻ လမ်းဗာႏပေါင်ꩻ အောဝ်ႏ ၉၉၄၈၃-လမ်း၊ လိုꩻခိုအောဝ်ႏ ၂၂၅၅၉၀-ဖြာꩻ၊ လိုꩻမူႏအောဝ်ႏ ၂၃၁၄၀၄-ဖြာꩻ၊ ခြွဉ်းဗူႏလို့လို့ လိုꩻဖြာꩻပေါင်ꩻအောဝ်ႏ ၄၅၆၉၉၄-ဖြာꩻနောဝ်ꩻသွူ။ ၁။ စတုရန်းတမဲင်ႏအကို လိုꩻအုံဆေ့ꩻအာ ဖြာꩻပေါင်ꩻ ၁၂၈.၅-ဖြာꩻ၊ ၂။ လိုꩻအုံဝေင်ꩻကို ဖြာꩻပေါင်ꩻ %ရျာꩻခေါင်ꩻ ၁၀.၁၆ % ၃။ လိုꩻအုံဒုံ ဖြာꩻပေါင်ꩻ %ရျာꩻခေါင်ꩻ ၈၉.၈၄ % ၄။ လိုꩻအုံဝေင်ꩻတွမ်ႏ လိုꩻအုံဒုံဆေ့ꩻအာ ၁.၈.၈၄ % ၅။ လိုꩻဖြာꩻပေါင်ꩻ ဆေ့ꩻအာအလောင်း လိုꩻခိုအောဝ်ႏ (၄၉.၁၁) % ၆။ လိုꩻဖြာꩻပေါင်ꩻ ဆေ့ꩻအာအလောင်း လိုꩻမူႏအောဝ်ႏ (၅၀.၈၈) % ၇။ လမ်းတဗာႏကို လိုꩻဖြာꩻပေါင်ꩻ အုံဆေ့ꩻအာ (၄.၆)ဖြာꩻနောဝ်ꩻသွူ။

လိုꩻမျိုꩻဖုံႏ မွဉ်းဖျင်

ပအိုဝ်ႏနမ်းပဲင်ႏအုပ်ချွုတ်ခွင်ꩻလꩻဒေႏသကို ကအုံဒါႏလိုꩻမျိုꩻဖုံႏ-

  • ၁။ ပအိုဝ်ႏ အောဝ်ႏ ၃၀၈၃၉၃-ဖြာꩻ
  • ၂။ ဖြောဝ်ꩻ အောဝ်ႏ ၈၄၉၇၈-ဖြာꩻ
  • ၃။ မန်း အောဝ်ႏ ၃၆၆၉၇-ဖြာꩻ
  • ၄။ တောင်ႏရွိုꩻ အောဝ်ႏ ၉၄၄၈-ဖြာꩻ
  • ၅။ လိုꩻမျိုꩻအလင် အောဝ်ႏ ၅၄၉၇-ဖြာꩻ
  • ၆။ ကယန်း အောဝ်ႏ ၄၃၆၈-ဖြာꩻ
  • ၇။ စောက်ꩻ(ကရင်) အောဝ်ႏ ၂၉၃၆-ဖြာꩻ
  • ၈။ မန်းနောင်(အင်းသား)အောဝ်ႏ ၁၇၃၇-ဖြာꩻ
  • ၉။ ဓနုꩻ အောဝ်ႏ ၁၂၆၁-ဖြာꩻ
  • ၁၀။ ကယား(စောက်ꩻတနျာႏ) အောဝ်ႏ ၁၂၄၆-ဖြာꩻ
  • ၁၁။ လီသူ(ခယ်ႏလီႏသောႏ) အောဝ်ႏ ၁၅၂-ဖြာꩻ
  • ၁၂။ ချင်ꩻ အောဝ်ႏ ၁၁၀-ဖြာꩻ
  • ၁၃။ ရခဲင်ႏ အောဝ်ႏ ၁၀၆-ဖြာꩻ
  • ၁၄။ ခင် အောဝ်ႏ ၃၆-ဖြာꩻ
  • ၁၅။ မဲင်ꩻ အောဝ်ႏ ၂၉-ဖြာꩻ

ခြွဉ်းဗူႏလို့နဝ်ꩻ အဝ်ႏ ၄၅၆,၉၉၄ ဖြာꩻသွူ။

လွတ်တောႏနမ်းခြောင်ꩻတင်ဖုံႏ မွဉ်းဖျင်

စွိုးခွိုꩻလွတ်တောႏ မွဉ်းဖျင်

  • ၁။ ဦးနေဝင်းထွန်း (၂၀၁၀-၂၀၁၅)
  • ၂။ ခွန်သိန်းဖေ (၂၀၁၅-၂၀၂၀)

ပအိုဝ်ႏနမ်းပဲင်ႏအုပ်ချွုတ်ခွင်ꩻလꩻဒေႏသ ခမ်းသားလွတ်တောႏ မွဉ်းဖျင်

  • ၁။ ခွန်သိန်းဖေ ဝေင်ꩻနယ်ႏဟိုပုံꩻ (၂၀၁၀-၂၀၁၅)
  • ၂။ ခွန်ဝင်းကို ဝေင်ꩻနယ်ႏသီႏသဲင်ႏ (၂၀၁၀-၂၀၁၅)
  • ၃။ ခွန်မောင်သောင်း ဝေင်ꩻနယ်ႏပင်လောင်ꩻ (၂၀၁၀-၂၀၁၅)

၂၀၁၅-၂၀၂၀ မွဉ်းဖျင်

  • ၄။ ခွန်အောင်ႏကျော်ႏ ဝေင်ꩻနယ်ႏဟိုပုံꩻ
  • ၅။ ခွန်
  • ၆။ ခွန်

ခမ်းနယ်ႏလွတ်တောႏ မွဉ်းဖျင်

၂၀၁၀-၂၀၁၅ မွဉ်းဖျင်

  • ၁။ ခွန်စံလွင် ဟိုပုံꩻ၊ မဲဆန္ဒနယ်ႏအမုဲင်(၂)
  • ၂။ ခွန်အေးမောင် ဟိုပုံꩻ၊ မဲဆန္ဒနယ်ႏ အမုဲင်(၁)
  • ၃။ ခွန်မောင်ႏပယ်ꩻ သီႏသဲင်ႏ၊ မဲဆန္ဒနယ်ႏအမုဲင်(၂)
  • ၄။ ခွန်လှသိန်း သီႏသဲင်ႏ၊ မဲဆန္ဒနယ်ႏအမုဲင်(၁)
  • ၅။ ခွန်လှဆန်း ပင်လောင်ꩻ၊ မဲဆန္ဒနယ်ႏအမုဲင်(၁)
  • ၆။ ခွန်အောင်နိုင်ဦး ပင်လောင်ꩻ၊ မဲဆန္ဒနယ်ႏအမုဲင်(၂)

၂၀၁၅-၂၀၂၀ မွဉ်းဖျင်

  1. ခွန်မောင်ဖြူ ဟိုပုံꩻ(၁)
  2. ခွန်စံလွင် ဟိုပုံꩻ(၂)
  3. ခွန်
  4. ခွန်
  5. ခွန်

ရာႏသီႏဥတု မွဉ်းဖျင်

ထာꩻခွꩻခိန်ႏ အထိုသွတ်ꩻအလျားဒီဂရီနောဝ်ꩻ (၂၇.၄C°)အဖွိုႏသွတ်ꩻအလျားဒီဂရီနောဝ်ꩻ (၀.၀C°)(-)ထာꩻလျားခိန်ႏ အထိုသွတ်ꩻ အလျားဒီဂရီနောဝ်ꩻ (၃၆C°)၊ အဖွိုႏသွတ်ꩻအလျား ဒီဂရီနောဝ်ꩻ (၁၀)နောဝ်ꩻသွူ။[၄]

မိဉ်ႏမဲဉ်ထွားယင်းအလင် မွဉ်းဖျင်

အာႏကွိုꩻ မွဉ်းဖျင်

  1. 2014 Myanmar Population and Housing Census
  2. ပြည်ထောင်စုသမ္မတမြန်မာနိုင်ငံတော် ဖွဲ့စည်းပုံအခြေခံဥပဒေ (၂၀၀၈ ခုနှစ်) (Burmeseဘာသာစကားဖြင့်)။ 2008။ 19 November 2015 တွင် မူရင်း အား မော်ကွန်းတင်ပြီး12 May 2016 တွင် ပြန်စစ်ပြီးCS1 maint: အသိအမှတ်မပြုသော ဘာသာစကား (link)
  3. ပအိုဝ်ႏကိုယ်ပိုင်အုပ်ချုပ်ခွင့်ရဒေႏသဦးစီးအဖွဲ့၏ (၄)နှစ်တာကာလအတွင်း ဒေသဖွံ့ဖြိုးတိုးတက်ရေး အကောင်အထည်ဖော် ဆောင်ရွက်နိုင်မှု အခြေအနေတင်ပြချက်"၂၀၁၅-ခုနှစ်၊ မတ်လ (၂၃)ရက်နေ့ထုတ် လိတ်စောင်ႏကို။
  4. ခွန်ချွန်း-မုဲင်းကောင်၊ မောင်းမွူးခံꩻ အမုဲင်-၂၈/၃၆