တောင်ႏကီꩻခရဲင်ႏ
တောင်ႏကီꩻခရဲင်ႏ ( ဖြဝ်ꩻ: ၸႄႈတွၼ်ႈတူၼ်ႈတီး) (အိန်းကလေတ်: Taunggyi District) တောင်းကီꩻခရဲင်ႏ ယို အဝ်ႏဒျာႏ မျန်မာခမ်းထီ ဖြဝ်ꩻခမ်းနယ်ႏ အခဝ်နဝ်ကို ကပါဒါႏ ခရဲင်ႏတဗာႏဒျာႏနဝ်ꩻသွူ။ အဝ်ႏဒျာႏ ထိုထဲင်းပင်ႏလယ်ႏ ထီခိုႏဆꩻကီ ပေပေါင်ꩻ ၄၆၀၆ ပေ (၁၄၀၄ မီတာ) ကိုနဝ်ꩻသွူ။ ခရဲင်ႏရွုမ်ꩻအဝ်ႏသွော့ꩻခင်ႏလမ်းဝေင်ꩻနဝ်ꩻ အဝ်ႏဝေင်ꩻတောင်ႏကီꩻကိုသွူ။ တောင်ႏကီꩻခရဲင်ႏအကို ၂၀၁၄ နေင်ႏ မွူးကွို့ꩻနာꩻစရင်ꩻအလꩻ လိုꩻဖြာꩻခြွဉ်းအဝ်ႏ ၁,၆၉၉,၀၈၆ ဖြာꩻသွူ။ မိဉ်ꩻကတန်ဒါႏ ဖရာꩻဖောင်ႏတောႏအူꩻ၊ နောင်ရွီႏ(နောင်အင်းလေး) တောမ်ႏ နောင်ရွီႏ ထာꩻမီꩻထာꩻမင်းဖေႏလွောတ်ဘေꩻတခြာယို အဝ်ႏသွော့ꩻဒျာႏ တောင်ႏကီꩻခရဲင်ႏ ကိုသွူ။ ထမ်းပင်ႏတရား၊ ထမ်းစင်း၊ ဖရာꩻမွေႏတောႏကက္ကူႏ၊ ကလော်ꩻဝါႏဖေ့ႏဘုရာꩻ(ဖရာꩻထဲင်)၊ မင်ႏဆီႏသဘာႏဝထမ်း၊ မျသပိတ်ထီအုံႏသွုမ်ႏ စတဲင်ꩻဖုံႏယို အဝ်ႏသွော့ꩻဒျာႏ တောင်ႏကီꩻခရဲင်ႏကိုသွူ။[၂]
| တောင်ႏကီꩻခရဲင်ႏ တောင်းကီꩻခရဲင်ႏ | |
|---|---|
| ခရဲင်ႏ | |
  တောင်ႏကီꩻခရဲင်ႏ | |
| ကိုဩဒိနိတ်: 20°40′N 97°00′E / 20.667°N 97.000°E | |
| ခမ်းထီ |  မျန်မာခမ်းထီ |
| ခမ်းနယ်ႏ |  ဖြဝ်ꩻခမ်းနယ်ႏ |
| ဝေင်ꩻနယ်ႏ | ၂ |
| ဝေင်ꩻတန် | ဝေင်ꩻတောင်ႏကီꩻ[၁] |
| ထိုထဲင်းပင်ႏလယ်ႏ ထီခိုႏဆꩻကီ | ၄၆၀၆ ပေ (၁၄၀၄ မီတာ) |
| လိုꩻဖြာꩻခြွဉ်း (၂၀၁၄) | ၁,၆၉၉,၀၈၆ |
| အခိန်ႏအွိုင်ꩻ | မျန်မာအခိန်ႏအွိုင်ꩻ (UTC+6:30) |
ဝေင်ꩻနယ်ႏတွမ်ႏဝေင်ꩻဖုံႏ
မွဉ်းဖျင်တောင်ႏကီꩻခရဲင်ႏအကိုꩻ ကအဝ်ႏသွော့ꩻဒါႏ ဝေင်ꩻနယ်ႏတောမ်ႏဝေင်ꩻဖုံႏနဝ်ꩻ အဝ်ႏလယိုအတွိုင်ꩻသွူ-
တောင်ꩻသေꩻ- တယ်ႏခရိစ်နေင်ႏ ၂၀၂၂ ဗာႏ ဧပီလာကို ဝေင်ꩻနယ်ႏကလော်ꩻ၊ ဝေင်ꩻနယ်ႏညောင်ႏရွီႏ၊ ဝေင်ꩻနယ်ႏဖုဲင်ခွန်ႏဖုံႏယို ဖထန်ႏထိုꩻသွူ တောင်ႏကီꩻခရဲင်ႏကိုတဲင် လွောင်ႏဗူႏတသာလွေꩻယင်းလဲဉ်း ကလော်ꩻခရဲင်ႏ အနေႏနဝ်ꩻသွူ။[၃]
နမ်းပဲင်ႏအိုပ်ချုတ်ခွင်ꩻလꩻဒေႏသ
မွဉ်းဖျင်
အာႏကွိုꩻ
မွဉ်းဖျင်- ↑ မြန်မာ သတင်းအချက်အလက် စီမံခန့်ခွဲရေးဌာန။ 1 July 2014 ကို ဒင်ႏထွူလဲဉ်း မူရင်းမော်ကွန်း။ 27 February 2015 ကို ထွားစဲစ်ချာထွူလဲဉ်း။
- ↑ မြန်မာတိုင်းနှင့် ပြည်နယ်များ
- ↑ နေပြည်တော်၊ တိုင်းဒေသကြီးနှင့် ပြည်နယ်များတွင် ခရိုင် ၄၆ ခရိုင် အသစ်တိုးချဲ့ဖွဲ့စည်းသည့်အတွက် စုစုပေါင်းခရိုင် ၁၂၁ ခရိုင်ရှိလာ။